Qorti
Ilaqqat sena u nofs ħabs fuq sewqan perikoluż u traskurat

Marius Camilleri ta’ 57 sena minn Ħal Qormi, laqqat sena u nofs ħabs wara li l-Qorti sabitu ħati li saq b’mod perikoluż u traskurat.

Il-każ imur lura għal Jannar tal-2018 meta Camilleri nqabad b’filmat isuq trakk b’mod perikoluż fi triq ewlenija.

Il-Qorti qalet li ma setgħetx ma tagħtix każ il-fatt li Camilleri mhux l-ewwel darba li xellef difrejh mal-liġi speċjalment dawk tat-toroq u s-sewqan.

Camilleri nstab ħati li saq trakk mingħajr liċenzja, li saq b’mod perikoluż, li qabeż il-limitu tal-veloċità u li ta dettalji foloz lill-pulizija.

L-imputat ġie pprojbit milli jerġa’ jsuq għal sentejn wara li jiskonta s-sentenza mogħtija.

Camilleri huwa magħruf mal-pulizija u għandu żewġ każijiet ta’ ħabs sospiżi.

Ara wkoll:

Mhux se jsuq vettura oħra x-xufier li kien isuq it-trakk b’mod perikoluż

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Aktar