Fin-Niġerja, investigazzjoni minn task force dwar l-annimali selvaġġi wasslet biex skopriet każ fejn iljun kien qed jintuża biex jagħmel l-għassa ma’ dar privata.

L-awtoritajiet Niġerjani qalu li d-dar li kien jgħasses dan l-iljun, li għandu sentejn, kienet tinsab faċċata ta’ skola. Fil-fatt, it-Tnejn li għadda dawn raqqdu lill-iljun permezz ta’ ‘dart gun’ sakemm trasferewh lejn zoo tal-annimali.

Is-sid tal-iljun intalab jirrapporta lilu nnifsu lill-Pulizija, jew inkella jkun arrestat.

Ġie spjegat kif fl-iskola ta’ faċċata jattendu tfal żgħar, bit-tmexxija tal-iskola kienet infurmata bil-preżenza tal-iljun, u kienet ikkonċernata mis-sigurtà tat-tfal tagħha.

Jidher li l-iljun kien ilu madwar xahrejn jgħasses din id-dar.