Eurovision
Illejla: Malta fost 18-il pajjiż li qed jissieltu għal post fil-finali tal-Eurovision

Illum se tidħol fix-xena Michela bil-kanzunetta Chameleon hekk kif se ssir it-tieni semifinali tal-Eurovision Song Contest 2019.  Jekk taf b’xi familjari jew ħbieb li jgħixu f’xi wieħed minn dawn l-20 pajjiż Michela għandha bżonn l-għajnuna tiegħek illejla.

Dan għax għat-tieni semifinali se jkunu qed jivvutaw l-Armenja, l-Irlanda, il-Moldova, l-Isvizzera, il-Latvja, ir-Rumanija, id-Danimarka, l-Isvezja, l-Awstrija, il-Kroazja, il-Litwanja, ir-Russja, l-Albanija, in-Norveġja, l-Olanda, it-Tramuntana tal-Maċedonja, l-Ażerbajġan, l-Italja, il-Ġermanja u r-Renju Unit.

Residenti f’dawn il-pajjiżi se jkunu jistgħu jivvutaw għax illejla se jieħdu sehem fit-tieni semifinali dawn il-pajjiżi, kif ukoll se jagħtu wirja 3 pajjiżi msejħa kbar li jgħaddu awtomatikament għall-finali.

Għaldaqstant, kull min jgħix jew bħalissa msiefer f’xi wieħed minn dawn il-pajjiżi u huwa abbonat ma’ xi operatur minn dawn il-pajjiżi jkun jista’ jivvota fuq dawn in-numri li hawn f’dawn ir-ritratti.

Is-semifinali tal-lejla tibda fid-9pm u Michela se tkun il-11-il waħda li se tkanta fuq il-palk tal-Expo ta’ Tel Aviv.  Ilbieraħ hija kienet impenjata f’wirja quddiem il-ġurija internazzjonali li jiddeterminaw 50% tar-riżultat tal-lejla.  Il-50% l-oħra jiġu deċiżi mit-televoting.

Infatti, il-Maltin li jgħixu Malta jistgħu jivvutaw għall-kantanti tas-17-il pajjiż l-ieħor li se jkunu qed jieħdu sehem illejla li huma l-Armenja, l-Irlanda, il-Moldova, l-Isvizzera, il-Latvja, ir-Rumanija, id-Danimarka, l-Isvezja, l-Awstrija, il-Kroazja, il-Litwanja, ir-Russja, l-Albanija, in-Norveġja, l-Olanda, il-Maċedonja u l-Ażerbajġan.

Mit-18-il pajjiż parteċipant tal-lejla jridu jgħaddu 10 għall-finali, li jingħaqdu mal-10 semifinalisti li għaddew it-Tlieta, il-5 pajjiżi msejħa kbar (l-Italja, ir-Renju Unit, il-Ġermanja, Franza u Spanja), kif ukoll il-pajjiż ospitant Iżrael.

It-trażmissjoni llejla tibda fid-9pm u se tixxandar dirett fuq TVM u tvm.com.mt.

Ara wkoll:

ARA: Michela titkellem qabel il-prestazzjoni tagħha tal-lejla

Aħbarijiet Oħra
Kronaka

Anzjan ta’ 75 sena residenti l-Pieta’ tilef ħajtu meta waqa’ għoli ta’ tliet sulari. Il-każ seħħ ftit wara s-sebgħa ta’ llejla meta l-anzjan instab mal-art fl-inħawi ta’ ġnien li jinsab…

Lokali

Fil-ġranet li ġejjin, l-awtoritajiet tas-saħħa mistennija jagħmlu funeral tal-foqra lil erba’ persuni, li tlieta minnhom għandhom il-karta tal-identità Maltija li ilhom aktar minn xahrejn abbundannati fil-kamra mortwarja. Ma’ TVM, id-Direttur…

Lokali

Mil-lum il-bdiewa li jkabbru l-patata bdew iħejju l-għelieqi tagħhom wara li fl-aħħar jiem għamlu l-kalkoli tat-telf li kellhom fl-aħħar sena minħabba r-riħ qawwi u s-silġ li niżel fil-grigalata ta’ tmiem…

Lokali

Fit-tmien ġimgħat tal-għasir tat-tadam, bejn Lulju u Awwissu se jiġu proċessati mas-sitt elef tunnellata tadam li jinġabru mingħand mitejn bidwi f’Malta u Għawdex. Fil-fabbrika tal-ikbar produttur fl-ipproċessar tat-tadam, jidħlu medja…

Aktar