Qorti
Illiberat mill-akkużi li pprova jdaħħal 2,200 grossa sigaretti pprojbiti f’Malta

Kaptan Malti kien ikkonfermat mhux ħati mill-Qorti tal-Appell li f’April ta’ 6 snin ilu pprova jdaħħal Malta sigaretti pprojbiti mis-suq lokali.

Charles Grech ġie lliberat mill-akkużi li meta wasal Malta minn Misurata fil-Libja bil-lanċa MV Mae Yemanja kien fil-pussess ta’ 2,200 grossa sigaretti Walton u Capital li l-valur tagħhom kien ta’ €13,241.40, bid-dazju tas-sisa jammonta għal €60,271.20, filwaqt li d-dazju u VAT jammontaw għal €7,627.05 u €14,605.14 li ma tħallsux.

Grech ma kienx instab ħati tal-akkużi miġjuba kontrieh, iżda l-Avukat Ġenerali appella mis-sentenza.  Charles Grech, li huwa l-Kaptan u s-sid tal-lanċa, kien qed juża l-MV Mae Yemanja biex jinnegozja t-tabakk bejn Ċipru u l-Libja.

Il-Qorti tal-Appell qalet li għandha numru ta’ suspetti dwar it-teżi ta’ Grech, inkluż dwar il-kredibilità tiegħu, iżda minħabba li kien konxju li s-sigaretti Capital u Walton ma jinbiegħux f’Malta ma kellux l-intenzjoni li jiddaħħlu Malta llegalment u baqgħu abbord peress li ma tħattux fil-Libja minħabba l-maltemp.

Għaldaqstant, il-Qorti tal-Appell, ippreseduta mill-Imħallef Consuelo Scerri Herrera, kkonfermat is-sentenza mogħtija mill-Qorti tal-Maġistrati li lliberat lil Charles Grech minn kull akkuża.

Aħbarijiet Oħra
Stejjer Umani

F’aktar minn ħamsin sena, l-Għaqda Alkoħoliċi Anonimi għenet mijiet ta’ persuni bi problema ta’ xorb żejjed, u ħafna drabi anke lill-qraba tagħhom permezz tal-AL-ANON. TVM tkellem ma’ raġel li 27…

Infrastruttura

Għaddejin l-aħħar tħejjijiet għat-tlestija ta’ Triq Ħal Luqa, li hija l-arterja ewlenija bejn Santa Luċija u Ħal Luqa. Bejn it-Tlieta filgħodu u l-Erbgħa waranofsinhar, it-triq se tingħalaq f’direzzjoni waħda sakemm…

Trasport

Matul l-aħħar snin, Transport Malta flimkien mal-Ministeru tat-Trasport nedew diversi skemi fuq ix-xiri ta’ mezzi tat-trasport biex jonqos it-tniġġis tal-arja. Tnejn mill-iskemi li qed jagħtu riżultati huma għax-xiri tal-karozzi elettriċi…

Aktar