Barranin
Illum f’Buñol kulħadd igara u jċaflas fit-tadam

Bħall-Malta, Spanja għandha diversi festivals marbuta ma’ lokalitajiet jew prodotti partikulari. Fost l-aktar popolari: it-tomatina . . . ġlieda bit-tadam li ssir kull sena, bħal-lum, f’belt qrib Valencia.

Mija ħamsa u erbgħin tunellata tadam tgħabbew fuq sitt trakkijiet u twasslu f’Buñol, belt fil-provinċja ta’ Valencia fi Spanja, għall-ġlieda annwali bit-tadam li seħħet l-erbgħa filgħodu.

Għall-festival annwali La Tomatina eluf jivvjaġġaw lejn Buñol waqt li r-residenti qattgħu l-aħħar ġranet jarmaw ilqugħ tal-injam u l-plastik biex iħarsu l-proprjetà tagħhom – djar u ħwienet – mid-daqqiet u t-tidlik tat-tadam u l-imġieba ta’ wħud minn dawk li jattendu għall-festival.

L-Erbgħa l-ġlieda bit-tadam bdiet fil-ħdax ta’ filgħodu. Is-sitt trakkijiet nstaqu fit-triq ewlenija tal-belt u pprovdew munizzjon – f’dan il-każ tadam – li ġie garat fost l-għajjat u l-atmosfera kulurita li nħolqot mill-eluf ta’ parteċipanti.

It-tomatina bdiet fl-1945 u kienet projbita għal xi żmien fil-ħamsinijiet waqt id-dittatorjat tal-Ġeneral Franco. Meta reġgħet ġiet awtorizzata, il-pubbliku beda jattendi bi ħġaru fejn il-folla kienet tlaħħaq madwar 45,000 persuna.

Illlum id-dħul fit-triq ewlenija ta’ Bunol hu kontrollat, bi 22,000 persuna awtorizzati li minnhom 5,000 huma riżervati għan-nies tal-post.

Aħbarijiet Oħra
Barranin

Lura fl-2015, l-imprenditur Amerikan Dan Price iddeċieda li jnaqqas b’mod sostanzjali l-paga li jaqla’ hu, biex iżid il-pagi tal-ħaddiema tiegħu. L-impjegati tiegħu kellhom paga medja ta’ $40,000 fis-sena, paga li…

Barranin

Omm fl-Italja ġiet arrestata wara li abbandunat lit-tarbija tagħha fuq bankina f’Ruma. L-att tal-mara nqabad fuq filmati minn kameras tas-sigurtà. Il-mara tidher timbotta pram u tieqaf biswit karozza pparkjata. Il-mara,…

Barranin

F’Pariġi, protesta viċin l-istazzjon tal-ferrovija Gare de Lyon wassal biex żviluppa nar qawwi, bil-ħaddiema tal-protezzjoni ċivili kellhom jevakwaw in-nies miż-żona. Qed ikun irrapurtat li n-nar tqabbad minn dimostranti li nġabru…

Barranin

Tal-inqas 33 suldat Tork inqatlu f’attakk mill-ajru mill-forzi tar-reġim Sirjan fil-Majjistral tas-Sirja. Il-Gvernatur tal-Provinċja ta’ Hatar, Rahmi Dogan qal li kien hemm aktar persuni midruba fil-provinċja ta’ Idlib. Aktar tard,…

Aktar