Elezzjoni
Illum l-Ewropej jibdew jivvutaw fl-elezzjonijiet tal-PE

Ir-Renju Unit u l-Olanda huma l-ewwel pajjiżi li bdew jivvutaw fl-elezzjonijiet tal-Parlament Ewropew.

Se jkunu kważi 427 miljun ċittadin tat-28 pajjiż tal-Unjoni Ewropea (UE) li se jivvutaw bejn illum u nhar il-Ħadd li ġej.

Għada jivvutaw l-Irlanda u r-Repubblika Ċeka, filwaqt li s-Sibt ikun imiss is-Slovakkja, il-Latvja u Malta.

Il-kumplament tal-pajjiżi se jivvutaw il-Ħadd, bl-aħħar pajjiż li se jkun qed jagħlaq il-postijiet tal-votazzjoni huwa l-Italja fil-11pm.

Il-votazzjoni ssir skont is-sistemi elettorali rispettivi tal-pajjiżi, iżda kulħadd irid jirrispetta ċerti kundizzjonijiet, fosthom kemm jirrappreżenta nies kull MEP elett.

5 pajjiżi – l-Italja, ir-Renju Unit, il-Polonja, il-Belġju u l-Irlanda – għandhom it-territorju maqsum f’distretti elettorali, filwaqt li 23 pajjiż ieħor jivvutaw fuq bażi nazzjonali bħalma jiġri f’Malta.

Differenza oħra importanti bejn il-pajjiżi hija li ċerti pajjiżi għandhom listi fissi ta’ kandidati, li huma Spanja, il-Portugall, Franza, il-Ġermanja, ir-Renju Unit, l-Ungerija u r-Rumanija.

Il-pajjiżi l-oħrajn, fosthom Malta, jużaw is-sistema li l-elettorat jivvota lill-kandidat li jrid li jirrappreżentah fil-Parlament Ewropew.

Din hija l-lista ta’ kemm iridu jinħatru MEPs f’kull pajjiż membru tal-UE: