Unjoni Ewropea
Illum qed jivvutaw l-Irlandiżi u ċ-Ċeki fl-elezzjoniijiet tal-PE

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari.

Fir-Repubblika Ċeka l-votazzjoni maqsuma fuq jumejn bil-għan li t-turnout ikun ħafna aħjar minn dak ta’ 5 snin ilu meta kienu ħarġu jivvutaw biss 18%.

Fl-Irlanda, il-votazzjoni hija kkaratterizzata mit-tensjoni marbuta ma’ Brexit hekk kif iktar ma joħorġu jivvutaw iktar hemm ċans li jsir referendum dwar jekk ir-Renju Unit għandux joħroġ mill-Unjoni Ewropea.

Wara l-vot tal-bieraħ fl-Olanda, l-ewwel indikazzjonijiet juru rebħa għal-Laburisti u żieda fl-appoġġ għall-ewroxettiċi.  Iżda r-riżultati uffiċjali mhux mistennija joħorġu qabel il-Ħadd fil-11pm.

Għada jkun imiss lil-Latvja, Malta u s-Slovakkja biex jivvutaw, filwaqt li l-kumplament taċ-ċittadini jistgħu jeżerċitaw id-dritt għall-vot nhar il-Ħadd.

B’kollox huma eliġibbli jivvutaw mal-400 miljun Ewropew fit-28 pajjiż biex jaħtru 751 Membru tal-Parlament Ewropew.

 

Aħbarijiet Oħra
Lokali

Il-Kap tal-Partit Nazzjonalista Adrian Delia deher dieħel id-Dar Ċentrali għal-laqgħa kruċjali tal-Grupp Parlamentari Nazzjonalista. Huwa kien milqugħ minn xi partitarji Nazzjonalisti. Mistoqsi minn TVM, Adrian Delia qal li mhux se…

Lokali

Il-Fakultà tal-Inġinerija fl-Università ta’ Malta qed torganizza wirja bil-proġetti innovattivi li saru mill-istudenti fil-kors tal-Inġinerija. Ta’ kull sena din isservi ta’ pjattaforma biex l-inġiniera ta’ għada juru dak li jkunu…

Partit Nazzjonalista

Il-laqgħa tal-Grupp Parlamentari t-tieni waħda fi ftit jiem, qed tiżvolġi wara laqgħa mqanqla tal-Kumitat Eżekuttiv tal-Partit Nazzjonalista li ntemmet tard ilbieraħ billejl. Pierre Portelli stqarr li dak li ġara fil-laqgħa…

Aktar