Lokali
Iltaqa’ mal-Ġermaniż li weħel f’Malta wara li ssaħħar bil-Karnival

Ħafna drabi r-ritratti jikxfu dettalji li ftit nagħtu kas. Il-fotografu Ġermaniż, Frank Kirchner ssaħħar bis-sbuħija tal-Belt Valletta u baqa’ affaxinat bil-Karnival Malti. Huwa qatta’ l-aħħar tliet snin jiġbed eluf ta’ ritratti, li jixtieq jippubblika f’żewġ kotba: wieħed dwar il-Belt u ieħor dwar il-Karnival Malti.

Frank Kirchner – fotografu Ġermaniż żar Malta għall-ewwel darba bħala turist fl-1989. Fl-aħħar tliet snin gie Malta bejn ħamsa u sitt darbiet fis-sena biex jieħu ritratti ta’ avvenimenti, toroq, nies u l-ħajja tal-Maltin speċjalment dik fil-kapitali.

“I’m here six months a year so I can say I am part-time Maltese,” fisser Kirchner.

Hu baqa’ impressjonat bil-Karnival Malti tant li l-ħolma tiegħu hi li jippubblika ktieb bhala katalogu b’ritratti li jirrappreżentaw il-karnival Malti miż-żfin għall-karrijiet, kostumi elaborati u brijju, kif ukoll ix-xogħol minn wara l-kwinti.

“I like Maltese Carnival because it is very spontaneous. It is more spontaneous than, for example, in Germany from where I come… it is festivity for the whole family and it is full of passion and emotion,” qal Kirchner.

Frank Kirchner qal li bħalissa qed ifittex post fil-Belt biex itella’ wirja ta’ ritratti dwar il-Karnival fil-Kapitali.

Għal qalb il-fotografu Ġermaniż hemm ukoll il-Belt Valletta. Stqarr li ssaħħru l-kultura, l-istorja, il-festi, li jitwaħħdu mal-ħajja mgħaġġla ta’ eluf ta’ nies li jżuruha kuljum.

“I would like to publish a book about Valletta. I plan to publish it in Autumn but at the moment I am looking for a publisher,” qal Kirchner.

Frank Kirchner qal li permezz tar-ritratti jrid joħroġ id-dettalji li qajla nagħtu kas meta nidħlu l-Belt. Huwa qal li anke ħa lezzjonijiet tal-Malti fi Bremen il-Ġermanja imma stqarr li qed isibha diffiċli biex jitgħallem il-lingwa.

Aħbarijiet Oħra
Ġurnali

In-Nazzjon: Fuq il-faċċata, kif qed jagħmlu ħafna mill-ġurnali tal-lum, ritratt tal-Prim Ministru Ingliża Theresa May li lbieraħ irnexxielha ssalva minn vot ta’ sfiduċja kontriha fil-partit konservattiv b’200 vot favur u…

Lokali

Matul il-ġurnata il-PBS se jiftaħ il-bibien tiegħu għas-segwaċi tal-programmi tat-tv u tar-radju biex ikollhom l-opportunità jaraw l-istudjos minn fejn jixxandru l-programmi u jiltaqgħu mal-preżentaturi u atturi li tant jammiraw. Fosthom…

Kronaka

Żewġt irġiel indarbu meta ttajru minn vettura f’B’Kara. L-inċident seħħ għall-ħabta tas-1.30am, bil-Pulizija ġiet infurmata li kien hemm bżonn l-assistenza tagħha fi Triq Dun Karm, Birkirkara. Il-Pulizija tad-Distrett marru fuq…

Kronaka

Raġel sofra minn ġrieħi gravi wara li kien involut f’inċident tat-traffiku fir-Rabat. L-inċident seħħ illum għall-ħabta tal-5.30pm fi Triq Sqaq iċ-Ċawla. Mill-ewwel stħarriġ tal-Pulizija jirriżulta li seħħet ħabta bejn żewġ…

Aktar