Lokali
Iltaqa’ mal-Maltin li għexu ħajjithom kollha fit-Tuneżija

Il-qrubija ġeografika ta inqas minn sitt mitt kilometru bejn Malta u t-Tuneżija iffaċċilitat ħafna l-kuntatti bejn iż-żewġ pajjiż tant li għal ħafna snin kien hemm komunità mdaqqsa ta’ Maltin f’dan il-pajjiż Għarbi. Għalkemm il-Maltin fit-Tuneżija naqsu ħafna, il-kuntatti bejn iż-żewġ pajjiżi għadhom qawwija, fosthom ukoll l-investiment Malti hemmhekk.

Minkejja kultura distiniva minn dak Maltija u lingwi differenti, fl-aħħar 200 sena kien hemm komunità ta’ Maltin fit-Tuneżija. F’nofs is-seklu 19 il-komunità Maltija kienet tgħodd mat-tliet elef ruħ, l-aktar fiż-żoni ta’ Susa, Monastir, Mehida u Sfax. In-numru tela’ għal aktar minn 15,000 sa tmiem is-seklu 19. Il-Maltin ħadmu f’irziezet, fil-portijiet u f’industriji żgħar waqt li hu ddokumentat li introduċew tipi differenti ta’ siġar li ħadu magħhom minn Malta.

L-ambaxxatur ta’ Malta għat-Tuneżija, Mark Pace, qal li maż-żmien il-Maltin fit-Tunezija naqsu ħafna wara li ħafna minhom emigraw lejn Franza meta t-Tuneżija kisbet l-indipendenza.

“Illum il-komunità Maltija hija żgħira ħafna 100, 200 ruħ l-iktar. Tikkonsisti fi tliet gruppi ta’ nies, id-dixxendenti ta’ eluf ta’ Maltin – min jgħidlek 15, 20 u 25 elf li kienu emigraw lejn it-Tunezija bejn nofs is-seklu 18 u bidu tas-seklu 20. It-tieni grupp hu dak ta negozjanti li ilhom hawn mas-17-il sena u rnexxielhom ikomplu b’suċċess u t tielet grupp hu ta dawk li żżewġu Tuneżini u baqgħu jgħixu hawn,” qal l-Ambaxxatur Pace.

Ħafna mill-maltin fit-Tuneżija ltaqgħu fid-dar tal-ambaxxatur fil-Kapitali Tunis, fl-okkażjoni taż-żjara uffiċjali tal-President Marie-Louise Coleiro Preca. Fost dawn kien hemm Carmen Ellul, anzjana li ilha tgħix fit-Tuneżija aktar minn 60 sena wara li l-familja tagħha emigrat mal-missier li mar jaħdem hemm.

Ta’ 79 sena, Sister Concetta Dimech ilha 40 sena fit-Tuneżija. Għalkemm ma tafx il-lingwa, tgħid li xorta tikkomunika mat-Tuneżini u qalet li jirrispettaw ħafna lill-Maltin. “Il-Maltin speċjalment dawk minn Tuneż, iqisuhom bħala aħwa għax twieldu hawnhekk. Jien ma nsib l-ebda differenza li jgħidulek int Maltija jew Franċiża. L-istess.”

Il-preżenza Maltija f’Tuneż toffri wkoll opportunità ta’ impieg għal Tuneżini. Fost dawn hemm fabbrika tal-kumpanija Bortex li timpjega mas-600 persuna.

Aħbarijiet Oħra
Lokali

Il-Programm taċ-Ċittadinanza b’Investiment ta’ Malta hu fost 21 programm simili ta’ diversi pajjiżi li f’għajnejn l-Organiżazzjoni għall-Koperazzjoni Ekonomika u l-Iżvilupp, l-OECD, jistgħu jservu biex tkun skartata t-taxxa minn ċittadini li…

Lokali

Fil-Bidnija nġabret folla nies biex tfakkar il-qtil tal-ġurnalista  Daphne Caruana Galizia, li seħħ bħal-lum sena.   Dawk preżenti poġġew fjuri u xemgħat fl-għalqa fejn spiċċat il-karozza li fiha nqatlet Caruana Galizia….

Lokali

Il-Kap tal-Oppożizzjoni Adrian Delia poġġa kuruna tal-fjuri ma’ oħrajn faċċata tal-bini tal-qorti b’tifkira tal-qtil tal-ġurnalista Daphne Caruana Galizia. Il-ġurnalista nqatlet fil-Bidnija bħal-lum sena. Il-PN qal li l-poplu għadu qed jistenna li…

Qorti

Raġel ta’ 29 sena qed jinżamm arrestat wara li allegatament sawwat u hedded lis-sieħba tiegħu. Dorde Markovic, xufier tat-taxi mwieled is-Serbja iżda residenti s-Swieqi qed jinżamm taħt arrest wara li…

Aktar