Lokali
Imħassba bid-droga li qed tinbiegħ mil-lukandi tagħhom

Il-lukandiera jinsabu mħassba li t-traffikanti tad-droga qed jużaw l-propjetajiet tagħhom biex ibigħu d-droga. Dan wara li f’April li għadda nstabu erba’ każi ta’ traffikar tad-droga minn lukandi u saret anke sejħa mill-Magistrat Joe Mifsud għal passi fuq l-impjegati tal-lukandi jekk dawn jgħalqu għajnejhom għal din l-attività kriminali.

Stħarriġ li għamel TVM jirriżulta li fl-aħħar erba’ snin, il-Pulizija kkonfiskat mat-tliet kilo droga minn diversi lukandi, l-iktar fil-Gżira, Tas-Sliema u San Pawl il-Baħar. Għalkemm dan l-ammont jista’ jidher li mhux wieħed kbir ħafna, sorsi qrib il-Pulizija qalu li f’April l-inċidenza tat-traffikar tad-droga mil-lukandi żdiedet meta nstabu tliet każi separati.

Din ix-xejra ħassbet lill-pulizija, hekk kif it-traffikanti tad-droga qed jużaw tattika ġdida biex imexxu l-attività kriminali tagħhom billi jikru kmamar f’lukandi, anke għal-lejl wieħed biss, biex jittraffikaw mingħajr ma jpoġġu l-propjetà tagħhom fil-periklu.

Dan ix-xenarju jidher li qed iħasseb lill-President tal-Assoċjazzjoni tal-Lukandi u Ristorant, Tony Zahra. “Aħna mħassba ħafna li jkun hemm attività li mhiex legali f’kwalunkwe post li għandhom x’jaqsmu mal-lukandi jew ristoranti. Il-membri tagħha żgur huma inkwetati wkoll u ċert li qed jieħdu miżuri biex jaraw li dawn l-affarijiet kemm jista jkun ma jsirux.”

Wara li tressqu l-Qorti kemm Maltin kif ukoll barranin li nqabdu f’April li għadda jittraffikaw id-droga mil-lukandi, il-Maġistrat Joseph Mifsud wissa li anke impjegati fil-lukandi li jgħalqu għajnejhom għal din l-attività kriminali għandhom jiġu investigati. Is-Sur Zahra qal li l-MHRA mhiex se tkun it-tarka għal min ma jimxix mal-liġi.

“Jekk hemm xi ħadd li qed juża l-propjetà tiegħu u jaf li qed tiġi użata għal xi ħaġa illegali allura hemm il-liġi li tieħu ħsieb li tagħmel dik li trid tagħmel u tieħu n-nies il-Qorti kif qal il-Maġistrat,” qal Zahra.

Il-President tal-MHRA qal li l-impjegati jistgħu jirrapurtaw każi suspettużi iżda mhux dejjem faċli li jkunu jafu x’qed jiġri bejn l-erba’ ħitan tal-kmamar mikrija tal-lukandi. “Mhix daqshekk sempliċi u faċli biex ssib lil xi ħadd li qed jagħmel xi ħaġa li mhux suppost, għax il-kamra hija privata.”

Din is-sena, l-Pulizija arrestat 4 persuni minn 3 lukandi differenti. L-ikbar qabda saret meta l-Pulizija arrestat Franċiż li kellu kilò u 200 gramma kokaina. It-tliet persuni l-oħra arrestati huma Maltin li l-każi tagħhom tressqu l-Qorti.

Aħbarijiet Oħra
Immigrazzjoni

Mill-1 ta Lulju li ġej ser jidħol fis-seħħ il-ftehim bejn Malta u l-Libja li ġie ffirmat mill-Prim Ministru Robert Abela waqt żjara ta’ ftit sigħat li għamel fi Tripli l-ġimgħa…

Lokali

Ħaddiema Torok li ġew Malta biex jaħdmu fuq proġetti kbar tal-privat qed jilmentaw li ilhom xhur ma jitħallsu l-paga mill-kumpanija Torka TACA li fost proġetti li qed taħdem fuqhom hemm…

Lokali

L-attur Mario Micallef li waqt Covid 19 wassal messaġġ b’saħħtu biex l-anzjani jibqgħu d-dar, qalilna li jħossu qisu twieled mill-ġdid, il-fatt li wara tlett xhur reġa’ qed jara l-arja ta’…

Lokali

L-Assoċjazzjoni taċ-Childcare Centres qalet li kollox jinsab lest biex minn għada jerġgħu jiftħu l-bibien tagħhom. Fost il-miżuri ta’ protezzjoni, l-impjegati f’dawn iċ-ċentri se jilbsu maskri jew visors il-ħin kollu, waqt…

Aktar