Barranin
Immigrant sar eroj wara li neża’ ż-żarbun biex ilibbes tifel ħafi

Immigrant żagħżugħ sar eroj fit-Turkija wara li xi ħadd ħadlu ritratt waqt li kien qed jagħmel ġest ta’ karità.

Muhammad al-Samaraie ta’ 21 sena, immigrant mill-Iraq, kien fuq it-tram meta ra tifel ħafi. Il-ġurnata kienet kiesħa u barra t-tram kienet nieżla xita qliel.

Al-Samarie ma ħasibhiex darbtejn, u pront neża’ ż-żarbun tiegħu biex ilibbsu lit-tifel. Għall-ewwel it-tifel ma riedx jaċċetta, iżda al-Samarie kkonvinċieh billi qallu li ma kienx joqgħod ‘il bogħod mill-waqfa tat-tram.

Persuni li kienu fuq it-tram u raw dan il-ġest nobbli ħadu ritratt lil al-Samarie waqt li kien qed jaqfel il-lazz lit-tifel. Ir-ritratt ittella’ fuq il-midja soċjali, u l-immigrant pront sar famuż.

Sadanittant al-Samarie ma kien jaf b’xejn, u nduna bil-fama tiegħu meta kien qed jieħu kafe ġo ħanut u xi ħadd talbu biex jieħu ritratt miegħu. Meta staqsihom għalfejn, qalulu biex iħares lejn il-gazzetta, u hemm ra lilu nnifsu.

Al-Samarie, li emigra lejn it-Turkija erba’ snin ilu u jaħdem f’ħanut tal-għamara, qal li ma jiflaħx jara tfal ibatu l-kesħa, u ċert li jerġa’ jagħmel l-istess ġest jekk jiltaqa’ ma’ tfal bla żarbun.

Aħbarijiet Oħra
Barranin

L-artisti tal-mument inġabru fir-Radio City Hall ta’ New York għall-MTV Video Music Awards f’serata li offriet wirjiet memorabbli minn Madonna, li matulha tat ġieħ lill-artista Aretha Franklin b’riflessjonijiet personali dwar…

Kurżitajiet

Ritratt li qed idur mal-midja soċjali qabad il-mument li ‘vu cumprà’ (kif jissejħu l-bejjiegħa taċ-ċekċik fuq il-bajjiet fl-Italja) jipprova jbigħ iċ-ċekċik lid-Deputat Prim Ministru Taljan Matteo Salvini. Donnu li r-raġel…

Barranin

Chiara, tifla ta’ 8 snin, għexet b’miraklu wara t-traġedja li laqtet bosta nies f’park f’Calabria. It-tifla belgħet ammont kbir ta’ ramel u tajn u tinsab taħt xokk qawwi. Hija nstabet…

Barranin

Fuq il-midja soċjali kienu jidhru bħala familja perfetta, iżda traġedja li laqtet lil din il-familja l-ġimgħa l-oħra kixfet realtà għal kollox differenti. Ir-raġel fl-Istati Uniti li qed jiġi akkużat bil-qtil…

Aktar