Imnedija kampanja fost l-istudenti biex tqajjem kuxjenza dwar il-konsum tal-ikel

Tnediet kampanja fost l-istudenti biex isiru aktar konxji dwar il-konsum tal-ikel u l-benefiċċji li jistgħu jaffettwaw kemm lil saħħithom kif ukoll lill-ambjent.

Numru t’għalliema minn 14-il skola, li jiffurmaw parti min-network ta’ Eko-Skola, bħalissa qed jitħarrġu biex jgħallmu lit-tfal l-aħjar prattiċi dwar il-konsum tal-ikel.

Il-proġett ‘Nieklu b’Responsabbiltà’ huwa mmirat biex ibiddel il-mentalità tat-tfal li fis-sena skolastika li jmiss se jkunu qed jorganizzaw numru ta’ inizjattivi fl-iskejjel u fil-komunità biex iqanqlu aktar kuxjenza dwar il-konsum tal-ikel.

Għat-tnedija tal-proġett hawn Malta il-Kap tal-Programm tas-Sigrutà tal-Ikel u tal-Grupp Ewropew magħruf bħala Concord Aurele Destree.

Nieklu b’Responsabbiltà qed isir fl-isfond tat-temi marbuta mas-Sena Ewropea għall-Iżvilupp. Il-MEUSAC bħala kordinatur nazzjonali se jenfasizza fuq il-ħtieġa ta’ aktar għarfien dwar din it-tema.

Il-President ta’ Nature Trust Vince Attard tkellem dwar il-vantaġġi varji jekk l-bniedem jiekol bil-għaqal.

Il-Ministru għall-Ambjent Leo Brincat qal li l-obeżità hija l-ikbar sfida għas-saħħa pubblika. Sostna li jekk l-għalliema u l-ġenituri jinfluwenzaw lit-tfal fil-konsum ta’ ikel b’anqas zokkor u anqas melħ, fil-futur hemm ċans li jitrażżan ħafna mard li jista’ jiġi evitat.

Aħbarijiet Oħra
Kronaka

Il-Pulizija qed jinvestigaw is-sejba ta’ kadavru ta’ mara li kienet ilha mejta 3 xhur. TVM huwa infurmat li l-mara hija Ingliża ta’ 69 sena li nstabet mgħottija bil-kutri fis-sodda fi stat…

Saħħa

Bħalissa f’Malta hawn madwar 7,000 persuna li qed tbati mid-dimenzja, din mistennija titla’ għal 13,000 sas-sena 2050. Fl-ewwel konferenza nazzjonali tad-dimenzja, ġiet diskussa din il-marda, kif tolqot lil ta’ madwarha,…

Lokali

Skont il-Perit Carmel Cacopardo, ir-riżenja ta’ Arnold Cassola mill-Alternattiva Demokratika fuq l-abort hija biss skuża. Intervistat fuq il-programm ta’ Television Malta Ras imb ras, il-Perit Cacopardo qal li hu kien…

Aktar