Trasport
AĠĠORNAT: Karozzi tal-linja tradizzjonali Maltin li jaħdmu bl-elettriku

Imniedi uffiċjalment il-kunċett tal-Malta Bus Reborn, karozza tal-linja li taħdem bl-elettriku, filwaqt li jinkorpora bosta karatteristiċi mill-karozzi tal-linja tradizzjonali Maltin. It-tnedija saret waqt attività fi Pjazza Tritoni.

Il-Perit Johnathan Mizzi, li żviluppa il-kunċett, qal li l-idea ħarġet seba’ snin ilu, ftit xhur wara li tneħħew mit-toroq il-karozzi tal-linja l-antiki. “7 years ago I was driving and I got stuck behind Boris Johnson’s blue bendy buses, but not in London, here in Malta, outside Pender Gardens, and that’s when the magnitute of what we lost, the beautiful Maltese buses, really hit me.”

Huwa qabbel it-tneħħija tal-karozzi tal-linja l-antiki mat-tneħħija ta’ wirt nazzjonali, bħad-dehriet ikoniċi tal-forti Sant Anġlu jew il-Katidral tal-Imdina.

Mistoqsi miċ-ċentru tal-aħbarijiet jekk din hix biss dehra sabiha li tpaxxi l-għajnejn, il-Perit Mizzi qal li dan ġie studjat minn disinjaturi ta’ vetturi. “This is a prototype production design. We have a lot of vehicle design experience. We’ve studied all of our diverse bus fleet, identified the key characteristics, transposed them on a modern day bus that is ready to assemble. We just need to make an assembly line and this bus could be up and running in three years.”

Il-Ministru Ian Borg ħares lura lejn il-karozza tal-linja tradizzjonali Maltija u qal li din tqanqal bosta memorji sbieħ ta’ nostalġija, anke jekk it-trasport pubbliku ma kellux il-kumditajiet li għandu llum.

Dr Borg qal li dan jimmarka il-kaxxi kollha fil-politika u l-istrateġija tal-Gvern, kemm mill-aspett tat-trasport pubbliku u anke minħabba li huma karozzi li ma jħammġux. “Il-pass li jmiss hu li naraw il-vijabbiltà tad-disinn innifsu, min jista’ jimmanifatturah, jistax jilħaq il-livell tad-disinn, u permez ta’ Transport Malta u Malta Public Transport, biex naraw iż-żidiet li għad irridu naraw mal-flotta eżistenti jibdew jieħdu din ix-xejra u dan id-disinn.”

Il-Ministru qal li l-Gvern qed iħares lejn soluzzjonijiet għal trasport alternattiv waqt li jaħdem favur il-kunċett tas-sostennibilità.

Aħbarijiet Oħra
Lokali

Il-gvern ħabbar il-ftuħ tal-istaġun tal-insib tal-ħarifa għal żewġ speċi: il-pluviera u l-malvizz. Fi stqarrija tas-Segretarjat Parlamentari għall-Biedja, Sajd u Drittijiet tal-Annimali ntqal li wara li evalwa r-rakkomandazzjonijiet tal-kumitat Ornis, l-istaġun…

Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar