Xogħol
Imniedi programm ta’ taħriġ li jtejjeb il-ħiliet tal-ħaddiema tal-NSO

L-Uffiċċju Nazzjonali tal-Istatistika nieda programm ta’ taħriġ bil-għan li jtejjeb il-ħiliet tal-ħaddiema. Dan se jsir b’investiment ta’ aktar minn €350,000, li ħafna minnhom huma mill-Fond Strutturali Ewropew.

Iċ-Chairman tal-Awtorità tal-Istatistika, il-Professur Albert Leone Ganado saħaq fuq il-ħtieġa għal titjib fil-ħiliet tal-ħaddiema skont il-bżonnijiet istituzzjonali u professjonali tal-organizzazzjoni.

L-Uffiċċju Nazzjonali tal-Istatistika nieda programm ta’ taħriġ għall-ħaddiema tiegħu. Il-programm mifrux fuq tliet snin qed isir b’investiment tal-fuq minn €350,000, li parti kbira minnhom huma ffinanzjati minn fondi tal-Unjoni Ewropea.

L-Aġent Direttur Ġenerali tal-Uffiċċju Nazzjonali tal-Istatistika Etienne Caruana qal li t-taħriġ se jiffoka fuq diversi aspetti relatati mal-ġbir ta’ informazzjoni għal skop ta’ statistika mit-teknoloġika tal-informatika, għal accounts, ekonomija u komunikazzjoni.

Is-Sur Caruana qal “dan mhux eżerċizzju li qed isir Malta biss imma qed isir fl-Ewropa kollha. Ovvjament meta inti qed tagħmel ħafna tibdiliet fl-uffiċċju tiegħek inti jkollok bżonn li lin-nies tħarriġhom għax inkella jibda jkollok grupp ta’ nies li jibdew jaqgħu lura.”

Il-Ministru għall-Finanzi Edward Scicluna qal li l-Uffiċċju Nazzjonali tal-Istatistika għamel bidliet kbar għall-aħjar fl-aħħar snin imma rrikonoxxa li fadal xi jsir. Il-Professur Scicluna appella għal aktar interazzjoni ma’ professjonisti f’istituzzjonijiet oħrajn bħall-Bank Ċentrali, l-Awtorità għas-Servizzi Finanzjarji u l-Università.

Is-Segretarju Parlamentari għall-Fondi tal-Unjoni Ewropea Aaron Farrugia qal li l-fondi għal dan il-proġett jagħmlu parti minn erbatax-il miljun ewro fondi Ewropej li qed jiġu investiti fit-taħriġ f’diversi entitajiet pubbliċi.

Aħbarijiet Oħra
Kronaka

Raġel ittieħed b’emerġenza l-Isptar Mater Dei, wara li kien involut f’inċident tat-traffiku fil-Mellieħa. L-inċident seħħ għall-ħabta tas-1.30pm fi Triq it-Telgħa ta’ Selmun. L-inċident seħħ bejn bejn vettura tal-għamla Toyota Aygo, li…

Stejjer Umani

Filmat ta’ tifel ċkejken ta’ 9 snin inxtered f’ħakka ta’ għajn mad-dinja kollha meta esprima d-dwejjaq li ħakmuh minħabba l-bullying. Fil-filmat miġbud minn ommu, Quaden Bayles jinstema’ jgħid li jrid…

Saħħa

F’Malta, fl-ajruport beda jsir screening tat-temperatura tal-ġisem tal-passiġġieri li jaslu Malta biex ikun identifikat jekk dawn għandhomx id-deni li huwa wieħed mis-sintomi tal-coronavirus. U fil-port, il-ħaddiema tax-xatt irirfjutaw li jħottu…

Għawdex

Il-Ministru għal Għawdex Clint Camilleri qal li llum beda jingħata l-konkos fil-Menqa bi tkomplija mal-ewwel saff tal-bażi, kif ukoll bdew jinfirxu l-ewwel sleeves bis-servizzi lejn il-proprjetajiet. Il-Ministru spjega li nqala’…

Aktar