Qorti
‘Impjegat’ ta’ Jordan Azzopardi jinżamm arrestat

Żagħżugħ li kien arrestat waqt rejd kontra d-droga qabel ma sar l-arrest ta’ Jordan Azzopardi nżamm arrestat wara li wieġeb mhux ħati għall-akkużi b’rabta ma’ droga.

Ramirez Vella ta’ 20 sena minn Ħal Tarxien tressaq il-Qorti akkużat b’pussess ta’ droga kokaina u erojina u li nqabad bihom ftit ‘il bogħod minn skola.

Vella kien wieħed minn dawk li ġew arrestati nhar is-7 ta’ Marzu f’rejd li sar f’dar fi Blata l-Bajda. Matul ir-rejd instabet droga kif ukoll flus kontanti.

Fil-Qorti l-akkużat wieġeb mhux ħati u għażel li ma jweġibx meta l-Qorti staqsietu x’jaħdem.

Id-Difiża mmexxija mill-avukati Arthur Azzopardi u Alfred Abela ma talbitx għall-ħelsien milll-arrest.

Aħbarijiet Oħra
Trasport

B’investiment ta’ €11 miljun ewro se jiżdiedu 50 xarabank ġdid fil-flotta tat-trasport pubbliku. Fl-inawgurazzjoni, il-Prim Ministru Robert Abela faħħar l-investiment tal-kumpanija privata Autobus De Leon li għat-tieni sajf konsekuttiv investiet…

Pulizija

Fl-okkażjoni tal-206 anniversarju mit-twaqqif tal-korp tal-pulizija, l-Arċisqof Charles J Scicluna qal li l-motto tal-Korp stess, Domine Dirige Nos qed jitlob lil Alla jmexxi Hu. L-Arċisqof qal li x-xogħol tal-Korp hu…

Agrikultura

Il-pitkala kollha se jingħataw għodda teknoloġika biex jibdew jirreġistraw il-prodotti kollha f’sistema komuni li se tkun aktar trasparenti u biha jkun hemm rendikont aġġornat tal-prodotti li nbigħu, il-prezzijiet u x’fadal….

Aktar