Lokali
AĠĠORNAT: Donnha qalbu ħebritu li kien se jmut ftit sigħat wara

Ix-xena tal-mużika Maltija tilfet ġgant tal-mużika klassika Maltija bil-mewta ħabta u sabta tal-Professur Joseph Vella. F’wieħed mill-aħħar impenji tiegħu nhar is-Sibt li għadda, is-surmast Vella ppreżenta l-arkivju mużikali tiegħu lill-mużew Ħaġar fir-Rabat Għawdex, fejn bħal donnu qalbu ħebritu bid-destin tiegħu.

Għawdex jinsab f’luttu wara li tħabbret il-mewt tal-Professur Maestro Joseph Vella, surmast u kompozitur tal-mużika klassika. Huwa miet għall-għarrieda tard l-Ħadd filgħaxija fl-età ta’ 76 sena.

Ibnu Nikki Vella waqt li fakkar il-memorja ta’ missieru qal li kellu enerġija ta’ żagħżugħ u qalb tad-deheb.

Imwieled ir-Rabat Għawdex, il-Professur Vella ggradwa bħala għalliem u speċjalizza fl-istudji mużikali fl-Università Durham.

Fl-1994 inħatar bħala Associate Professor fid-Dipartiment tal-Istudji Mużikali fl-Università ta’ Malta. Il-portafoll tiegħu jinkludi l-kompożizzjoni ta’ 110 xogħol mużikali li jinkludu ħames sinfoniji u seba’ kunċerti.

Ix-xogħlijiet mużikali tiegħu gew interpretati fl-Ewropa, il-Kanada, l-Istati Uniti u l-Ġappun. Huwa kien ukoll id-Direttur tas-Soċjetà Korali Maltija u waqqaf il-kor tal-Akkademja. Maestro Vella kien l-ewwel direttur residenti tal-Orkestra Filarmonika Maltija. Fost oħrajn, kien surmast tal-Banda Konti Ruġġieru fir-Rabat u Direttur mużikali tat-teatru tal-Astra Opera.

L-aħħar dehra tiegħu kienet nhar is-Sibt filgħaxija meta ppreżenta l-arkivju mużikali kollu tiegħu lill-mużew ‘Il-Ħaġar’ tal-Belt Victoria. Hawnhekk bħal donnu li s-Surmast Vella ħebritu qalbu li kien riesaq lejn it-tmiem.

“Meta jiena ma nkunx hawn, il-mużika tiegħi se tibqa’ integra, u mhux titferrex,” qal Vella.

Il-Ministru għal Għawdex Justyne Caruana fakkret il-memorja tiegħu u ddeskrivietu bħala ikona mużikali li jibqa’ magħruf għall-imħabba, id-dedikazzjoni u l-għerf mużikali kbir tiegħu.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar