Lokali
Imut it-tenur u l-preżentatur Lino Gatt

Dalgħodu tħabbret il-mewt ta’ Lino Gatt fl-età ta’ 80 sena. Gatt kien tenur u preżentatur, fosthom ta’ programmi fuq Radju Malta.

Huwa studja l-mużika fil-Guildhall Academy of Music and Drama ta’ Londra, u għal xi snin għallem fil-Manoel Theatre Academy of Dramatic Arts.

Gatt kien wieħed mill-ewwel preżentaturi tar-radju fuq Radju Malta, meta dan twaqqaf mill-Awtorità tax-Xandir fl-1973, u kien ukoll l-ewwel vuċi li nstemgħet fuq Radju Malta 2 meta dan beda jxandar fis-sena ta’ wara.

Għal snin twal huwa ppreżenta programmi tar-radju fuq mużika klassika, u kien involut fit-twaqqif tal-istazzjonijiet Radio Mediterranean u Voice of the Mediterranean, fejn f’dan tal-aħħar kellu l-kariga ta’ Head of Programmes. Gatt ħadem ukoll fuq diversi dokumentarji għat-televiżjoni u ppreżenta serje televiżivi qosra fis-snin tmenin u disgħin.

Fit-Teatru Manoel, huwa okkupa l-kariga ta’ direttur fuq il-bord, u kien l-ewwel Chairman tal-Orkestra Nazzjonali.

Aħbarijiet Oħra
Reliġjon

Ilbieraħ, f’Sibt il-Għid, il-Bormliżi inawguraw l-Irxoxt wara li sarlu r-restawr. Ma’ TVM ir-restawratriċi Valentina Lupo kienet spjegat li l-istatwa kellha erba’ problemi, fosthom diversi qsim fl-injam. Fir-restawr saru wkoll interventi fuq…

Temp

L-uffiċċju meterjoloġiku qed ibassar riħ qawwi. Ir-riħ mix-Xlokk Lvant ser ikun qawwi ħafna fuq l-inħawi fejn jaqbel tal-Gżejjer Maltin. Din it-twissija tibqa’ fis-seħħ sal-għaxra tal-lejla u terġa’ tiġġedded kif meħtieġ.

Saħħa

Mistenni jibda x-xahar id-dieħel ix-xogħol ta’ twaqqiegħ u tħammil għat-tieni dar residenzjali għal persuni bil-marda newroloġika tal-ALS. Il-proġett, f’Ħaż-Żebbuġ, mistenni jiswa sitt miljun Ewro. Ma’ TVM, il-fundatur tal-Fondazzjoni ALS Malta,…

Aktar