Lokali
Imut is-Sindku taż-Żejtun Joe Attard

Tħabbret il-mewt ta’ Joe Attard, li ilu jservi bħala Sindku taż-Żejtun sa mill-1996, kważi mill-bidu tat-twaqqif tal-Kunsilli Lokali. Minn dan iż-żmien huwa baqa’ jiġi elett u kien l-uniku Sindku ta’ dan ir-raħal.

Attwalment Attard kien qed iservi wkoll bħala President tal-Għaqda Banda Żejtun, u fil-passat serva bħala Chairman tal-istazzjon ONE.

Fost il-kondoljanzi għal Attard fuq il-midja soċjali, jispikka dak tal-Ministru Owen Bonnici, li qal li ż-Żejtun tilef wieħed mill-aqwa tfal li qatt kellu. Iddeskrivieh bħala Sindku eżemplari, promotur kulturali eċċezzjonali, u li wettaq u biddel kemm felaħ l-affarijiet għall-aħjar.

Kondoljanzi wkoll minn diversi membri oħra tal-kabinett, fosthom il-Ministru Carmelo Abela li kien ħadem miegħu fil-Kunsill, u s-Segretarju Parlamentari Julia Farrugia Portelli li ħadmet miegħu fl-istazzjon tal-Partit Laburista.

Il-Partit Laburista fi stqarrija jiddeskrivih bħala bniedem li ħadem kemm felaħ għall-kommunità. Il-Partit Nazzjonalista u l-Alternattiva Demokratika ngħaqdu fil-kondoljanzi għat-telfa tas-sur Attard.

Aħbarijiet Oħra
Qorti

Fil-Qorti nstemgħet ix-xhieda tal-Ispettur Keith Arnaud li qal li għall-ħabta tal-23:10 seħħet sparatura fi Triq tal-Ġebel li fiha kien hemm persuna maqtula u tnejn oħra midruba. L-Ispettur Arnaud qal li…

Qorti

Fil-Qorti, bdiet tinstema’ l-kumpilazzjoni tax-xhieda kontra ż-żewġ suldati akkużati bil-qtil fis-6 ta’ April li għadda ta’ Lassine Cisse Souleymane ta’ 42 sena mill-Kosta tal-Avorju. Lorin Scicluna ta’ 22 sena minn…

Elezzjoni

Il-Kummissjoni Elettorali fi stqarrija qalet li min se jsiefer fil-jum tal-votazzjoni, se jingħata l-faċilità li jaqbeż il-kju. Dawn il-persuni għandhom jieħdu magħhom prova dokumentata tas-safar u juruha lill-pulizija inkarigat fiċ-ċentru…

Elezzjoni

Fi stqarrija, il-Kummissjoni Elettorali fakkret lill-pubbliku li l-użu ta’ mobile phones, cameras, jew apparat tal-fotografija u awdjo huwa projbit fil-postijiet tal-votazzjoni. Qalet ukoll li t-teħid ta’ ritratti jew filmati fil-postijiet tal-votazzjoni…

Aktar