Saħħa
Imut tifel ta’ 4 snin aktarx bil-meninġite

Tifel ta’ 4 snin miet ilbieraħ wara li aktarx instab li kellu mikrobu li jikkaġuna l-meninġite.

Huwa miet f’Mater Dei wara li jidher li kellu xi sintomi li wasslu biex il-ġenituri tiegħu daħħluh l-isptar fil-jiem li għaddew.

TVM huwa infurmat li t-tifel iddaħħal l-isptar wara li kellu invasive pneumonia (tip ta’ mikrobu li jikkaġuna l-meninġite) li jinfirex fi ftit tal-jiem jew sigħat u jista’ jkun fatali.

Jirriżulta li l-awtoritajiet tas-saħħa mill-ewwel ħadu azzjoni meta saru jafu bil-każ, tant li għamlu kuntatt mal-iskola fejn kien imur it-tifel u tkellmu mal-ġenituri tat-tfal li kienu fl-istess klassi tat-tifel biex jekk jaraw xi sintomi jkellmu mill-ewwel lit-tabib tagħhom.

Madanakollu, l-awtoritajiet qalu lil TVM li huma rari ħafna li l-meninġite tiġi trażmessa minn persuna għall-oħra u m’hemmx lok għall-allarm.

 

Aħbarijiet Oħra
COVID-19

L-Assoċjazzjoni Medika Maltija fi stqarrija dalgħodu qalet li d-direttivi li għaddejjin bħalissa se jiġu estiżi u se jibqgħu fis-seħħ sal-Ġimgħa 14 ta’ Awwissu. F’laqgħa tal-Kunsill tal-MAM li saret ilbieraħ ġie…

Lokali

Il-Ministru għall-Intern, is-Sigurtà Nazzjonali u l-Infurzar tal-Liġi ħatar inkjesta skont il-liġi bil-għan li tistabilixxi l-fatti b’rabta ma’ każ fejn priġunier li ma ngħatax il-ħelsien mill-arrest, kien rilaxxat mill-ħabs u deher…

Lokali

Il-Maltapost qalet li l-ħidma tagħha għadha ma ġietx lura għan-normal riżultat fost l-oħrajn ta’ tnaqqis b’aktar min-nofs fit-titjirjiet kummerċjali, iż-żieda fix-xiri online u l-akkumulazzjoni ta’ posta f’tliet pajjiżi Ewropej. Il-Maltapost…

Aktar