Barranin
Imutu 3 pumpiera Taljani wara li sploda ċilindru tal-gass

Splużjoni qawwija f’binja fit-Tramuntana tal-Italja qatlet 3 pumpiera.

L-awtoritajiet qed jirrappurtaw li fuq il-post, qalb it-tifrik, instab ċilindru tal-gass b’timer miegħu li jaf jindika li kollox kien premeditat.

Il-pumpiera marru fuq il-post wara li rċevew diversi rapporti ta’ splużjoni f’razzett diżabitat f’ Quargnento.

Ftit wara li waslu fuq il-post, seħħet it-tieni splużjoni, aktar qawwija minn ta’ qabilha li darbet lil 2 pumpiera oħra u uffiċjal tal-pulizija.

Skont Sky TG24, it-timer kien qed jiġi kkontrollat b’remote filwaqt li sid ir-razzett qed jiġi investigat mill-pulizija.

Il-vittmi tat-traġedja huma Matteo Gastaldo ta’ 46 sena li ntradam fl-isplużjoni u nstab bla ħajja aktar tard, Marco Triches ta’ 38 sena u Antonio Candido ta’ 32 sena.