Negozju
In-negozji Maltin mhux jagħmlu l-aħjar użu mill-fondi tal-KE – il-PN

Il-Partit Nazzjonalista qal li n-negozji Maltin mhux jagħmlu l-aħjar użu mill-fondi li huma disponibbli direttament mill-Kummissjoni Ewropea.

Il-kelliema tal-Partit Nazzjonalista ħabbru sensiela ta’ proposti dwar kif jistgħu jintużaw aktar mill-fondi diretti, fosthom dwar kif jistgħu jsiru kampanji edukattivi u kif in-negozji jistgħu jingħataw l-għodda biex japplikaw għal dawn il-fondi. Il-Kandidat ghall-Parlament Ewropew Peter Agius qal Malta teħtieġ iżżid ir-rata ta’ suċċess f’dan il-qasam, li bħalissa hija fost l-agħar fl-UE. Żied li dawn il-fondi jiffurmaw kwart tal-baġit Ewropew li jistgħu jinkisbu direttament mill-Kummissjoni Ewropea bi proċess kompetittiv. Qal li l-Membri Parlamentari Ewropej għandhom jagħmlu pressjoni fil-kumitati tal-Unjoni Ewropea għal bidla fil-liġi ta’ finanzjament, skond il-bżonnijiet li għandhom in-negozji Maltin. Qal li waqt li pajjiżi u reġjuni d-daqs ta’ Malta rebħu bejn 10 u 15-il proġett fl-aħħar sena, Malta kisbet ħamsa biss.

Id-Deputat Nazzjonalista Edwin Vassallo qal li waqt li għal uħud dan hu l-aqwa żmien, ma jistax jingħad l-istess għan-negozji żgħar u medji li bilkemm qed jirnexxielhom ilaħħqu. Irrefera għar-rapport tal-Bank Ċentrali li indika li s-setturi tal-manifattura u l-industrija rreġistraw tnaqqis. Qal li mhux kulħadd għandu jitpoġġa fl-istess keffa u żied li waqt li n-numru ta’ turisti żdiedu, l-infieq tagħhom ras għal ras naqas.

Id-Deputat Robert Cutajar appella lill-Gvern biex juża l-fondi kollha Ewropej disponibbli għalih, u żied li waqt li l-Gvern hu rassenjat li ma jiksibx fondi daqs kemm inkisbu fl-aħħar terminu, għandu jara kif isaħħaħ l-opportunitajiet għal niċċeċ differenti.

Aħbarijiet Oħra
Kultura

Il-Covid-19 ħarbtet ukoll il-pjani tal-artisti li jaqilgħu l-ħobża ta’ kuljum mit-talenti tagħhom b’wirjiet u kunċerti kanċellati. Il-baritonu Joseph Lia u martu, ir-Russa Natalia Rakjmatulina, ħassru diversi kunċerti fosthom fir-Russja bħala…

Infrastruttura

Bdiet tieħu l-forma triq ġdida, li skont il-pjani ta’ Infrastructure Malta, sa erba’ xhur oħra se tkun tista’ tibda tintuża mill-eluf ta’ vetturi li mill-Imrieħel jitilgħu ‘l fuq, lejn ir-Rabat…

Safar

Wara li tard ilbieraħ il-Ministru għat-Turiżmu Julia Farrugia Portelli ħabbret li l-Maltin se jkunu jistgħu jżuru 19-il pajjiż meta l-ajruport jerġa’ jibda jopera titjiriet normali mill-1 ta’ Lulju, illum il-Prim…

Aktar