Knisja Maltija
‘In-nies ġieli jħossuhom numru waqt il-Quddies’ – kappillani

Għaliex l-attendenza tal-Quddies qed tonqos?

Xi jdejjaq lin-nies fil-Quddies?

X’qed tagħmel il-Knisja wara li ħarġet l-istatistika li turi 40% biss jattendu l-Quddies il-Ħadd?

Waqt il-programm TVAM żewġ kappillani, Dun Joe Mizzi u Dun Josef Mifsud iddiskutew l-istħarriġ li kien sar dwar il-Quddies. L-istħarriġ kien sab wera li 40% biss tal-Insara Kattoliċi jattendu l-Quddies il-Ħadd. Stħarriġ ieħor li kienet għamlet il-Knisja juri li 70% tal-Insara Maltin jattendu l-Quddies darba fix-xahar.

Dun Joe Mizzi spjega li r-realtà tal-ħajja soċjali qed tinbidel b’mod mgħaġġel u r-realtà tal-Quddies xejn anqas.

Fl-aħħar jiem is-70 kappillan ta’ Malta nġabru flimkien għal-live in li matulu ddiskuttew l-istħarriġ dwar il-Quddies.

Waqt l-intervista l-Kappillani nnotaw li hija responsabbiltà ta’ kull saċerdot li jipprepara sew għall-quddies u dan mhux għall-omelija biss iżda wkoll għall-kant, qari u kif tkun armata l-Knisja.

Innotaw ukoll l-importanza tal-komunità u li n-nies ma jħossuhomx numri waqt il-Quddies. Għaldaqstant il-Kappillani qalu li ċerti parroċċi qed jieħdu inizjattiva biex joħolqu l-komunità anke b’affarijiet żgħar fosthom li wara l-Quddies joffru l-kafè u t-te.

Ara l-intervista sħiħa li saret fuq TVAM f’TVMi.  TVAM jixxandar mit-Tnejn sal-Ġimgħa fis-7am.

Ara wkoll:

Ċensiment u studju juru li 40% jattendu għall-quddies f’Malta

Aħbarijiet Oħra
Politika

Il-mexxej tal-Partit Demokratiku, Dr. Godfrey Farrugia, iddeċieda li joħroġ għall-elezzjoni tal-Parlament Ewropew. Meta ħabbar it-tliet kandidati tiegħu, il-PD kien indika li dawn in-nomini kienu finali, u li ma kinux se…

Kronaka

Qed issir tfittxija għal Mary Muscat li ġiet irrappurtata nieqsa fit-18 t’April 2019 għall-ħabta tat-15:00. Hija dehret l-aħħar nhar is-17 t’April 2019 għall-ħabta tal-23:35. Mary Muscat tbati bid-Dimenzja. Kull min…

Reliġjon

Tmien adulti minn seba’ pajjiżi differenti se jirċievu s-sagramenti tal-bidu tal-ħajja nisranija mill-Arċisqof, Monsinjur Charles J. Scicluna, illejla, waqt iċ-ċerimonja tal-Vġili tal-Għid fil-Konkatidral ta’ San Ġwann. Iċ-ċelebrazzjoni tal-Vġili tal-Għid se…

Kronaka

Karozza tat-tip Mitsubishi Shogun qalbet mutur tal-pulizija fil-Ħamrun. Il-Pulizija qalet li dan ġara wara li l-pulizija waqqfu ġuvni ta’ 24 sena minn Ħal Tarxien iżda dan ma koperax, irreżista u…

Aktar