In-nies “l-għajnejn u l-widnejn” biex jinstabu tfal nieqsa

Il-pubbliku jista’ jkun l-għajnejn u l-widnejn biex tfal irrapportati nieqsa u li jkunu fil-periklu, jinstabu malajr kemm jista’ jkun.

Dan qalu Charlie Hedges, rikonoxxut bħala wieħed mill-esperti ewlenin tar-Renju Unit dwar it-tfal neqsin jew maħtufin, meta fl-aħħar jiem kien Malta biex jipprovdi taħriġ lil numru ta’ Pulizija fuq każijiet li jinvolvu tfal nieqsa li jkunu jinsabu fil-periklu.

Hedges sostna li meta t-tfal ikunu rrapportati nieqsa, huwa importanti li l-Pulizija tagħmel kuntatt mal-pubbliku sabiex iġġib informazzjoni siewja. Spjega li l-Pulizija trid tagħmel evalwazzjoni tar-riskju magħrufa bħala ‘triage’, u li r-rispons tal-bidu huwa kruċjali għall-każ.

Tkellem ukoll fuq l-importanza li jkun hemm kooperazzjoni transnazzjonali, u għalhekk huwa qal li nħolqot network informali ta’ esperti Ewropej f’pajjiżi differenti, fejn dawn l-esperti jaqsmu bejniethom l-informazzjoni li għandhom fuq każijiet ta’ minuri ta’ din in-natura.

Fl-aħħar jiem, il-Pulizija Maltija wkoll ngħaqdet ma dan in-Netwerk tal-Pulizija dwar it-Tfal Neqsin fi ħdan l-AMBER Alert Europe.

Aħbarijiet Oħra

Il-pandemija affettwat lil kulħadd, anke lill-Fondazzjoni Malta Community Chest Fund li tgħin lil mijiet ta’ nies morda, tfal b’diżabilità, tfal li jkollhom bżonn kura barra l-pajjiż u nies li m’għandhomx…

Quddiem l-inkjesta pubblika dwar il-qtil ta’ Daphne Caruana Galizia xehed il-Ministru tal-Edukazzjoni Owen Bonnici, li ġie mistoqsi dwar il-perjodu ta’ meta kien responsabbli mill-portafoll tal-Ġustizzja. Mistoqsi dwar il-proklama li ngħata…

Dr Bernard Grech, nieda l-kampanja tiegħu għall-elezzjoni tal-Kap tal-Partit Nazzjonalista. Bit-tema Ningħaqdu, nirnexxu, u niġġeddu, Dr Grech qal li jrid jara Partit Nazzjonalista magħqud u sħiħ, għalkemm imsejjes fuq il-ħiliet…

Il-Partit Laburista qal li r-rapport ta’ diliġenza dwar Adrian Delia u Bernard Grech juri li ż-żewġ kandidati għall-elezzjoni mhumiex idonji għall-kariga ta’ Kap tal-Oppożizzjoni u tal-Partit Nazzjonalista. F’konferenza tal-aħbarijiet, il-President…

Aktar