Unjoni Ewropea
In-nisa se jmexxu l-Unjoni Ewropea fil-5 snin li ġejjin?

In-nisa għandhom jinħatru mill-inqas fi tnejn mill-ħames l-ogħla karigi tal-Unjoni Ewropea.  Dan intqal mill-President tal-Kunsill Ewropew Donald Tusk f’konferenza tal-aħbarijiet fi Brussell, fi tmiem laqgħa informali tal-mexxejja Ewropew dwar min għandu jmexxi l-UE fil-5 snin li ġejjin.

Tusk qal li jekk jinħatru iktar nisa fit-tmun tal-UE se jkun qed jintemm l-iżbilanċ bejn is-sessi li ilu jeżisti għal bosta snin.  Minkejja li ma qalx liema karigi għandhom jimtlew min-nisa, iżda sostna li diġà kiseb l-appoġġ tal-mexxejja Ewropej biex ikun hemm iktar ugwaljanza bejn is-sessi f’dawn l-ogħla karigi tal-UE.

Minbarra l-kriterju tal-ugwaljanza, Tusk għandu wkoll iżomm f’moħħu tliet kriterji oħrajn waqt li se jkun għaddej bin-negozjati biex jiġu nominati l-persuni fl-ogħla ħames karigi tal-UE, li huma l-ġeografija, id-daqs tal-pajjiżi u l-affiljazzjoni politika.

Sax-xahar id-dieħel, Tusk irid jipprova jsib kompromess dwar min se jmexxi l-Kummissjoni Ewropea, il-Kunsill Ewropew, il-Parlament Ewropew, il-Bank Ċentrali u l-Politika Barranija tal-UE.

Il-laqgħa informali saret ilbieraħ fi Brussell, kważi jumejn wara li tħabbru r-riżultati uffiċjali tal-elezzjonijiet tal-Parlament Ewropew.  Għaliha attendew il-mexxejja tat-28 pajjiż tal-UE, fosthom il-Prim Ministru Joseph Muscat.

Ara wkoll:

Ebda qbil bejn il-mexxejja Ewropej dwar min għandu jmexxi l-istituzzjonijiet tal-UE

Aħbarijiet Oħra
Edukazzjoni

Kważi 8,000 student ser jattendu skolasajf din is-sena. Il-Ministru tal-Edukazzjoni Owen Bonnici wera sodisfazzjon li wara l-ħidma li saret, il-ġenituri ħassejhom siguri li jibagħtu lil uliedhom għal Skolasajf li qal…

Lokali

Il-Ministru fl-Uffiċċju tal-Prim Ministru Carmelo Abela ħabbar lis-Sur James Pearsall se jkun qed jiġi maħtur Chairperson tal-Kunsill Malti għall-Iżvilupp Ekonomiku u Soċjali (MCESD). Is-Sur Pearsall ġie nominat mill-Gvern wara konsultazzjoni sħiħa mal-imsieħba…

Lokali

L-Abbozz ta’ liġi dwar l-ugwaljanza li jinsab quddiem il-Parlament mhux jinżel tajjeb ma’ diversi entitajiet reliġjużi għaliex iħossu li dan jista’ joħnoq id-dritt għat-twemmin reliġjuż tagħhom. Fost oħrajn l-Assoċjazzjoni tal-Iskejjel…

Politika

Timothy Alden ħabbar li se jkun qed jikkontesta għall-kariga ta’ mexxej tal-Partit Demokratiku.  Il-laqgħa ġenerali annwali mistennija ssir nhar it-Tnejn li ġej. Fi stqarrija, Alden qal li Malta ilha fi…

Aktar