Saħħa
Inawgurat ċentru ta’ matul il-jum għall-persuni bid-dimensja

F’Raħal Ġdid ġie inawgurat ċentru ta’ matul il-jum għall-persuni bid-dimensja. Dan qed isir b’investiment tal-kumpanija Lyons Care. Fl-inawgurazzjoni ta’ dan iċ-ċentru, il-Prim Ministru Joseph Muscat qal li dan iċ-ċentru jippromwovi l-indipendenza ta’ persuni bid-dimensja.

Fl-inawgurazzjoni taċ-ċentru, il-Prim Ministru Joseph Muscat qal li dan jindirizza żewġ għanijiet ewlenin tal-Gvern f’dan il-qasam, li jippromwovi l-indipendenza ta’ persuni bid-dimensja, li jieħu ħsieb iċ-ċirku ta’ nies madwar dawn il-persuni li jkunu milquta minn din il-kundizzjoni. Kompla jgħid li meta s-settur privat iħares lejn il-bżonnijiet tas-soċjetà u jindirizza l-investiment tiegħu għal dawn il-bżonnijiet, ikun qed jagħmel servizz lill-poplu. Dr Muscat qal li f’investimenti bħal dawn, il-Gvern iħares lejn is-settur privat bħala sieħeb tiegħu u mhux kompetitur.

Is-Segretarju Parlamentari għall-Persuni b’Diżabbilità u Anzjanità Attiva, Anthony Agius Decelis, qal li l-Gvern ta direzzjoni ċara bit-tnedija tal-istrateġija nazzjonali għad-dimensja li fost ohrajn tqajjem kuxjenza dwar din il-kundizzjoni biex jinghata l-appoġġ b’servizzi fil-komunità u fid-djar residenzjali tal-anzjani.

Id-Direttur ta’ Lyons Care, Mark Bajada qal li dan iċ-ċentru hu disinjat għall-persuni bid-dimensja. Żied jgħid li l-kumpanija se tinvesti f’iktar ċentri bħal dawn madwar Malta u Għawdex.

F’inizjattiva oħra biex titqajjem kuxjenza dwar id-dimensja, is-Segretarjat Parlamentari għall-Persuni b’Diżabbilità u Anzjanità Attiva qed itella’ d-dramm Frammenti li huwa teatru tat-triq li jesplora l-esperjenza ta’ familja li qed tħabbat wiċċha mad-dimensja. Il-produzzjoni tlaqqa’ il-biża’, frustrazzjoni, ansjetà, disperazzjoni, inċertezza u mħabba. Bħala parti mir-rapprezentazzjonijiet, Frammenti s’issa saret fil-Mosta, f’Raħal Ġdid u fir-Rabat Għawdex.

Aħbarijiet Oħra
Lokali

Il-Festival Nazzjonali tal-Ktieb organizzat mill-kunsill nazzjonali tal-ktieb se jsir online l-11 u l-15 ta’ Novembru minflok ma jsejjaħ in-nies f’dar il-Mediterran il-Belt Valletta. Dan minħabba s-sitwazzjoni tal-Covid-19 u l-pariri tal-Awtoritajiet…

Lokali

Melvin Theuma,  l-intermedjarju fil-qtil ta’ Daphne Caruana Galizia ġie rilaxxat mill-Isptar Mater Dei. Ġimagħtejn ilu huwa ddaħħal l-isptar wara li kien instab f’għadira f’demm b’feriti f’għonqu u fil-kustilji. Dan wara li…

Edukazzjoni

Bil-pjan tal-Gvern hu li f’Settembru jiftħu l-iskejjel, il-Ministru għall-Edukazzjoni Owen Bonnnici qal li għaddejjin taħdidiet biex it-tagħlim tat-tfal isir mis-sena skolastika li jmiss bil-miżuri meħtieġa kontra l-imxija tal-Covid. Dr Bonnici tkellem…

Saħħa

L-operazzjonijiet se jerġgħu jibdew min-nhar it-Tnejn li ġej iżda d-direttivi tal-Outpatients se jibqgħu fis-seħħ. Dan intqal mill-MAM fi stqarrija uffiċjali wara l-aġġornament tal-aħbarijiet li ta d-Deputat Mexxej, Dr Chris Fearne…

Aktar