Infrastruttura
Inawgurat il-grawnd tal-futbol il-ġdid f’Marsaskala

Il-Prim Ministru Muscat inawgura l-kumpless il-ġdid tal-futbol li sar b’investiment €2.5 miljun, u li huwa mifrux fuq 6,000 metru kwadru. Dr Muscat qal li waqt li huwa sabiħ li wieħed jipparteċipa fl-isport, it-triq ‘il quddiem issa trid tkun li nikkompetu biex nirbħu.

Il-kumpless, li jinsab fil-park tal-familja ta’ Wied il-Għajn, huwa mgħammar b’piċċ tal-football, Club House, dressing rooms, sala tal-konferenzi, uffiċini u ġibjun biex jinġabar l-ilma. Il-President tal-klabb tal-football tal-lokal Pierre Miceli qal li dan ser jagħmel differenza kbira lit-tim.

”Daqqa mmorru l-MCAST u daqqa grounds oħra. Jiġifieri dejjem niġru biex nagħmlu t-taħriġ tagħna. Kont ukoll coach tal-kbar u għalhekk is-sistema ma kinitx qed taħdem tajjeb u ridna ground fil-lokalità tagħna. Importanti kemm hu essenzjali li jkollna l-ground tagħna hawnhekk.”

Bi ftehim bejn il-klabb ta’ Wied il-Għajn u SportMalta, il-kumpless se jintuża filgħodu mill-iskejjel u għaqdiet tal-lokal.

Il-Prim Ministru Muscat appella kemm lill-klabb tal-waterpolo, kif ukoll dak tal-football, biex jaraw li dawn il-faċiltajiet jinżammu kif suppost.

 

Aħbarijiet Oħra
Kultura

Heritage Malta flimkien mal-Fond Soċjali għall-Iżvilupp Nazzjonali, ġabu lura Malta pittura prestiġġjuża ta’ Mattia Preti li sal-aħħar tas-seklu 19 kienet fil-Palazz tal-Granmastru l-Belt u mbagħad spiċċat f’kollezzjoni privata l-Istati Uniti….

Qorti

Ingliż ta’ 43 sena, Neil Andrew Bebbington li joqgħod iż-Żebbuġ, Għawdex ingħata sentenza ta’ probation wara li ammetta li fl-2018 kellu fil-pussess tiegħu droga kokaina u kannabis. Huwa kien akkużat…

Qorti

Raġel li sawwat sal-punt li kważi qatel raġel fis-sakra li ħebb għalih barra post tad-divertiment inħeles mill-akkużi fuq bażi li ddefenda ruħu. Shaun Demicoli ġie akkużat li darab gravi lit-Tuneżin…

Lokali

Il-Gvern mistenni jibda l-proċess ta’ għażla ta’ żewġ Prosekuturi Delegati Ewropej biex jingħaqdu fl-Uffiċċju tal-Prosekutur Pobbliku Ewropew (UPPE), li ser ikunu stazzjonati Malta. L-għażla se ssir permezz ta’ sejħa pubblika bil-għan…

Aktar