Lokali
Inawgurata l-ewwel fażi tal-villaġġ tal-artiġġjanat f’Ta’Qali

Tlestiet l-ewwel fażi tal-proġett għar-riġenerazzjoni tal-villaġġ ta’ artiġġjanat f’Ta’ Qali, b’investiment ta’ €13-il miljun. Il-Ministru għall-Ekonomija, Chris Cardona qal li sas-sena d-dieħla se titlesta t-tieni fażi tal-proġett mill-operaturi li ser jagħmlu l-investiment tagħhom biex itejbu l-operat tagħhom. Dr Cardona ħabbar li se titwaqqaf Fondazzjoni li se tamministra dal-villaġġ li ser ikun ta’ attrazzjoni kemm għat-turisti kif ukoll għall-familji.

Tlestiet l-ewwel fażi tal-villaġġ tal-artiġġjanat f’Ta’ Qali, fejn b’investiment ta’ €13-il miljun tlestiet l-infrastruttura, u l-ispazji pubbliċi kif ukoll is-servizzi li ġew mgħoddija minn taħt l-art. Il-Proġett qed isir mill-Malta Industrial Parks bl-appoġġ tal-Malta Entreprise.

Il-Ministru għall-Ekonomija, Chris Cardona qal li dan il-villaġġ kien ilu mwiegħed 25 sena u qatt ma sar xejn sakemm beda jitwettaq minn dal-Gvern. Dr Cardona qal li dan il-proġett se jagħti n-nifs ġdid l-artiġġjana li ser jaħdmu hawnhekk.

Il-Ministru Cardona ħabbar li se titwaqqaf fondazzjoni li se tamministra dan il-villaġġ li se tieħu ħsieb li jkun hemm kalendarju ta’ attivitajiet li jattira iktar viżitaturi. Qal ukoll li l-fondazzjoni ser taħdem mal-Ministeru tal-Edukazzjoni biex jikber it-tagħlim tal-artiġġjanat.

Il-Ministru Cardona qal “issa rridu nassiguraw li dan il-villaġġ ġdid iżid fil-popolarità tiegħu, iktar żoni ta’ landscaping u nagħmluh parti mill-kalendarju tal-familja Maltija u tat-turisti li jiġu Malta biex jaraw l-artiġġjanat u postijiet għal picnic u passiġġati”.

Il-Ministru Cardona qal li s-siġar li kellhom jinqalgħu minħabba l-proġett tħawlu fi bnadi oħra, filwaqt li f’Ta Qali tħawlu madwar 1,600 siġra ġdida mill-Malta Industrial Parks.

It-tieni fażi tal-proġett se ssir b’investiment mill-operaturi nfushom, fejn minbarra dawk preżenti se jidħlu oħrajn ġodda, u meta jitlesta sas-sena d-dieħla, se jkun hemm b’kollox madwar ħamsa u sebghin artiġġjan.

Diversi artiġġjana fil-villaġġ qalu li wara ħafna taqtigħ ta’ qalb, dan il-proġett se jagħtihom il-kuraġġ biex ikabbru n-negozju tagħhom.

Paul Said qal li “il-post ma kienx għadu gat-turiżmu ma kienx preżentabbli, konna morna l-baħar. Issa għandhom futur fejn jaħdmu u għall-futur tagħhom”.

Mark Grima qal”ilna nistennew ħafna snin, waslet il-ġurnata, u issa dan il-post se jiġbed mhux biss turisti imma anki l-familji”.

Is-Segretarju Parlamentari għall-Fondi Ewropej, Aaron Farrugia qal li €10 miljuni mill-Fondi Reġjonali tal-Unjoni Ewropea ntużaw għal dal-progett minbarra finanzjament ieħor minn skemi oħra li qed isostnu lill-operaturi biex ikabbru n-negozju tagħhom.

Aħbarijiet Oħra
Lokali

Is-servizz tat-Telecare reġa’ qed jopera wara li aktar kmieni kien sospiż. Fi stqarrija, is-Segretarjat Parlamentari għal Persuni b’Diżabilità u Anzjanità Attiva flimkien mad-Dipartiment tal-Anzjanità Attiva u Kura fil-Komunità rringrazzjaw lill-operatur tal-impenn…

Saħħa

Intlaħaq ftehim bejn Steward Healthcare u l-MUMN dwar id-Dipartiment tal-Fiżjoterapija fl-Isptar San Luqa. Fi stqarrija maħruġa mill-Ministeru għas-Saħħa ntqal li wara intervent mid-Deputat Prim Ministru u l-Ministru għas-Saħħa Chris Fearne, saret…

Lokali

Fi tmiem laqgħa mqanqla tal-eżekuttiv tal-Partit Nazzjonalista li intemmet għall-ħabta tal-11.10pm., il-Kap tal-Partit Adrian Delia qal li hu għamel 10 proposti dwar it-tibdiliet li jeħtieġ il-Partit biex jimxi ‘il quddiem….

Aktar