Kronaka
Inċident bejn tliet vetturi fil-Fgura

Tliet persuni indarbu f’aċċident li seħħ is-Sibt filgħaxija għall-ħabta tal-10.15 fi Triq Ħaż-Żabbar fil-Fgura.

Il-vittmi huma tfajla li ndarbet gravi u żewġ irġiel, li wieħed minnhom indarab gravi wkoll. Fl-aċċident kienu involuti tliet vetturi waħda minnhom misjuqa minn Sirjan ta’ 26 sena residenti Ħal Qormi li miegħu kellu tliet passiġġiera, it-tlieta rġiel u tnejn minnhom indarbu.

Vettura oħra kienet misjuqa minn tfajla ta’ 22 sena toqgħod Raħal Ġdid li ndarbet gravi u ttieħdet l-Isptar Mater Dei b’ambulanza. Il-vettura l-oħra kienet misjuqa minn raġel ta’ 43 sena mill-Fgura li ma sofra ebda ġrieħi.