Barranin
INDJA: Tifla ta’ 3 snin tinstab f’għadira demm wara li ġiet stuprata

Fl-Indja, tifla ta’ 3 snin ġiet stuprata fid-dar fejn tgħix fi New Delhi.  It-tifla nstabet fuq it-taraġ mimlija demm u mitlufa minn sensieha.

L-aggressur huwa raġel ta’ 40 sena li suppost kien qed jieħu ħsiebha.  Huwa ġie arrestat mill-Pulizija.  It-tifla ttieħdet l-isptar u ġiet operata minnufih.  Hija qed tinżamm taħt osservazzjoni kontinwa minħabba li tinsab fil-periklu li titlef ħajjitha.

L-istupru ta’ din it-tifla jaħbat mal-anniversarju tal-mewt ta’ studenta Indjana li ġiet stuprata fuq kowċ privata minn sebat irġiel, fosthom ix-xufier.  Hija mietet 13-il jum wara li seħħ l-istupru.

Il-każ kien qajjem furur sħiħ tant li kien hemm protesti kbar biex titqajjem kuxjenza dwar il-vjolenza sesswali u l-omertà dwar l-istupri għas-spejjeż tat-tfal innoċenti fl-Indja.

Minkejja l-isforz li qed isir, 52% tat-tfal Indjani jiġu abbużati, tant li kull 155 minuta tifel jew tifla taħt is-16-il sena jgħaddu minn xi każ ta’ vjolenza.

Aħbarijiet Oħra
Barranin

B’aktar minn 90 fil-mija tal-voti mgħaduda, il-partit favur l-armata fit-Tajlandja jidher li qiegħed fuq quddiem, wara li saret l-ewwel elezzjoni mill-kolp ta’ stat ħames snin ilu. Jidher li l-partit Palang…

Barranin

Il-Prim Ministru Ingliż Theresa May mistennija taġġorna l-kabinett dwar l-istrateġija Brexit aktar tard dalgħodu meta tlaqqa’ l-kabinett wara tmiem il-ġimgħa miżgħud bi spekulazzjoni dwar il-futur tat-tmexxija tagħha. Kien hemm rapporti…

Aktar