Lokali
Industriji jistgħu jibbenefikaw sa €5,000 għall-verifiki dwar l-enerġija

L-Aġenzija għall-Enerġija u l-Ilma fi ħdan il-Ministeru għall-Enerġija nediet skema ta’ rifużjoni għall-verifiki dwar l-enerġija għal intrapriżi żgħar u medji.

F’konferenza tal-aħbarijiet, il-Ministru għall-Enerġija Joe Mizzi qal li b’dawn il-verifiki l-intraprizi jingħataw pariri kif inaqsu l-konsum. Huwa qal li l-Gvern se jkun qed joffri skemi li jgħinu lill-industriji jimplimentaw it-titjib rakommandat mill-audit. Permezz ta’ din l-iskema, l-industriji jistgħu jibbenefikaw sa €5,000, li f’ċertu każi tkopri l-ispejjeż kollha tal-energy audit. L-industriji li jistgħu jibbenefikaw minn din l-iskema huma dawk li l-konsum tal-elettriku tagħhom jaqbeż il-75,000kWh li jinkludi ristoranti, fabbriki u lukandi fost l-oħrajn.

Il-Ministru Mizzi qal kif permezz ta’ dawn il-verifiki, il-pajjiż ikompli fi triqtu sabiex jilħaq il-mira tiegħu dwar l-effiċjenza tal-enerġija sal-2020. L-iskema hi miftuħa sa tmiem is-sena d-dieħla, jew sakemm jittieħdu l-fondi kollha.

Aħbarijiet Oħra
Lokali

Id-dislessja – kundizzjoni li tfixkel lill-persuna biex titgħallem taqra minhabba li ma tagħrafx uħud mill-ittri u simboli, hi meqjusa bħala ostaklu fil-proċess edukattiv, għalkemm illum hemm mezz ta’ għajnuna biex…

Annimali

Liġi ġdida qed toffri aktar setgħa fil-ħarsien tal-annimali, partikolarment il-klieb li kienu jinżammu marbutin il-ħin kollu b’katina, billi dan il-kunċett issa hu projbit. Madanakollu, id-Direttur għall-Ħarsien tal-Annimali saħaq li l-klieb…

Statistika

Illum huwa l-Jum Ewropew tal-Istatistika, li qed jiġi ċċelebrat għat-tielet darba. Dan il-jum joħroġ aktar fid-deher il-valur tal-istatistika uffiċjali, li f’Malta tinġabar mill-Uffiċċju Nazzjonali tal-Istatistika. Tliet snin bogħod mill-akbar eżerċizzju…

Infrastruttura

Simpożju organizzat minn Wirt Iż-Żejtun iffoka fuq l-iżvilupp matul iż-żminijiet tar-raħal Malti, fost l-oħrajn bis-sehem ta’ professur Ingliż, li rriċerka dwar l-irħula Maltin. Fis-simpozju, il-Ministru għall-Kultura Owen Bonnici ħabbar li…

Aktar