Saħħa
Influss ta’ pazjenti f’Mater Dei kawża tal-influenza tax-xitwa

Iċ-Chairman Kliniku tad-Dipartiment tal-Emerġenza, Michael Spiteri, stqarr li fl-ewwel jumejn tas-sena l-isptar esperjenza influss f’daqqa ta’ pazjenti, speċjalment anzjani, b’kumplikazzjonijiet relatati mal-influwenza tax-xitwa.

“Huma nies f’mard kroniku u serju li għandhom bżonn ħafna, ħafna, ħafna u ħafna attenzjoni. Bħalissa jgħoddu fl-għaxrijiet jekk mhux fil-mijiet.”

Ma’ Television Malta, Dr Spiteri wera ruħu frustat li għad hemm nies li imorru l-emerġenza meta jistgħu faċilment jiġu kkurati fiċ-ċentri tas-saħħa.

“Dawk il-ftit nies li xorta jiġu l-emerġenza meta setgħu nqdew f’postijiet oħra jħallu impatt negattiv ħafna fuq min vera għandu bżonn l-għajnuna.”

Dwar il-persuni li daħlu l-emerġenza minħabba x-xorb żejjed fi żmien il-festi, Dr Spiteri qal li jidher li l-kampanji edukattivi qed iħallu l-frott.

“L-ammont ta’ intossikazzjonijiet li daħlu kienu daqsxejn inqas minn dawk li kienu s-sena li għaddiet. Dan ukoll irrifletta ruħu anki fl-inċidenti speċjalment fl-inċidenti tat-traffiku.”

Dr Spiteri wissa li x-xorb żejjed jikkawża problemi fil-qalb, il-pulmun, il-moħħ, waqt li jista’ jwassal għal mewt f’daqqa.

Aħbarijiet Oħra
Qorti

Quddiem il-Maġistrat Marseanne Farrugia llum bdiet tinstema’ l-kumpilazzjoni tax-xhieda fil-każ ta’ John Paul Woods li qed jiġi akkużat bil-qtil ta’ Charlene Farrugia u li ħeba l-katavru tagħha. Ir-raġel kien wieġeb…

Sajd

Kważi sena u nofs minn maltempata qawwija li ħalliet ħerba f’diversi nħawi tal-pajjiż, il-gvern ħabbar li qed jalloka miljun ewro għal skema ta’ kumpens finanzjarju lil sajjieda li l-bastimenti tagħhom…

Qorti

Raġel ta’ 50 sena qed ikun akkużat, fost oħrajn, li stupra lis-sieħba ripetutament u li ħa xbiehat ta’ natura sesswali tagħha bil-ħsieb li jheddidha bihom. Huwa qed jiċħad l-akkużi. Ir-raġel tressaq…

Kronaka

Raġel ta’ 51 sena li jgħix is-Siġġiewi qiegħed isofri minn ġrieħi gravi wara li weġġa’ f’sit ta’ kostruzzjoni fin-Naxxar. Il-Pulizija kienu infurmati bl-inċident fi Triq il-Katakombi għall-ħabta tal-10.00am. Il-Pulizija tad-Distrett…

Aktar