Lokali
Inġinier Malti premjat fil-Ġappun bi proġett li jiġġenera l-elettriku taħt il-baħar

Inġinier żagħżugħ Malti kiseb it-tielet post minn fost 150 inġinier madwar id-dinja bi proġett marbut mal-inġinerija marittima.

Mitchell Borg ħoloq il-proġett bħala parti mir-riċerka li qed jagħmel għad-Dottorat, li fiha għamel analiżi idrodinamika tat-turbini għall-ġenerazzjoni tal-elettriku taħt il-baħar permezz ta’ simulazzjonijiet numeriċi. Huwa qed jagħmel dan il-proġett b’kollaborazzjoni ma’ kumpanija Franċiża.

Borg ipparteċipa fl-OCEANS Conference, li tiffoka fuq l-inġinerija marittima, u li din is-sena saret f’Kobe, l-Ġappun. Il-kompetizzjoni ssir għal studenti tar-riċerka, normalment f’livell tad-dottorat, sabiex ikunu ġġudikati fuq l-preżentazzjonijiet tar-riċerka tagħhom.

Din is-sena applikaw iżjed minn 150 student internazzjonali, u minnhom ġew magħżula 15, fosthom Borg. Minn dawn imbagħad il-ġurija, li kienet magħmula minn professuri fil-qasam marittimu, għażlet lil Borg għall-premju tat-tielet post, li kien jinkludi wkoll somma flus.

Aħbarijiet Oħra
Lokali

Emma Muscat se tkanta fl-Isle of MTV. Dan tħabbar fil-paġna uffiċjali fuq Facebook tal-Isle of MTV Malta. Emma kisbet suċċess kbir u serqet il-qlub ta’ bosta Maltin wara li rnexxielha…

Lokali

Alessandro Salerno li tkeċċa mix-xogħol wara li tkellem pubblikament fuq l-isfidi mentali tiegħu, se jgħin fil-kampanja tal-Fondazzjoni Richmond biex tkun mgħammra dar fil-Ħamrun li se toffri servizzi lil tfal u…

Lokali

L-ispezzjonijiet li saru fl-aħħar ġimgħa f’diversi siti tal-kostruzzjoni f’Tas Sliema, f’San Ġiljan u fil-Gżira kkonfermaw li f’60% tagħhom kien hemm nuqqas ta’ osservanza tar-regolamenti tal-bini. Dawn ingħataw ġimagħtejn biex jirregolarizzaw…

Lokali

Ħalba xita qawwija bis-sajjetti fl-ewwel jum tal-istaġun tas-sajf, għarqet diversi lokalitajiet magħrufa fejn jinġemgħa l-ilma u fost oħrajn tat battikatta lid-dilletanti Qriema u s-Siġġiwin biex iħarsu l-armar tal-festa mill-ħsara li…

Aktar