Kronaka
Ingliż iweġġa’ gravi waqt li kien qed jiekol fix-Xlendi

Ingliż li kien qed jiekol f’ristorant fil-bajja tax-Xlendi spiċċa l-isptar bi ġrieħi gravi wara li waqa’ fuqu pilastru tas-siment li tqaċċat minn trakk li kien għaddej fit-triq ta’ fuq ir-ristorant. L-inċident seħħ fis-1pm bil-pulizija qalet li l-Ingliż ta’ 48 sena ttieħed l-isptar bi ġrieħi gravi u dwar il-każ infetħet inkjesta bil-Maġistrat.

TVM jinsab infurmat li t-trakk kien għaddej minn Triq San Xmun eżatt fuq il-bajja tax-Xlendi. Jidher li t-trakk kellu jgħaddi mal-ġenb tat-triq u kien hawn li ġibed parti mir-railing li tagħti għal fuq il-bajja bil-konsegwenza li l-pilastru tas-siment baqa’ nieżel għal isfel fuq in-nies li kienu qed jieklu f’wieħed mir-ristoranti mal-bajja.

Il-pulizija qed tinvestiga.

Aħbarijiet Oħra
Lokali

Minkejja li 30 sena ilu tilef nofs wiċċu u sofra ġrieħi gravi meta ġġarraf b’ajruplan żgħir, il-bdot Ivan Gatt ma jibżax jirkeb l-ajruplan, la bħala bdot u lanqas bħala passiġġier….

Lokali

Numru ta’ proprjetajiet tal-Gvern li mhumiex jintużaw ser jgħaddu f’idejn għaqdiet mhux governattivi li joffru programmi ta’ housing bħala parti minn skema ġdida mnedija mis-Segretarjat Parlamentari għall-Akkomodazzjoni Soċjali. Is-sejħa għall-applikazzjonijiet…

Lokali

L-Awtorità tal-Ippjanar qalet li għamlet spezzjoni fil-barriera tal-Imqabba li skont artiklu fuq il-ġurnal The Times of Malta għexieren ta’ ħaddiema Torok li jaħdmu għal Taca Construction diġà qed jgħixu fis-sit, fejn…

Toroq

Il-Kummissarju għall-Ambjent u l-Ippjanar fl-uffiċċju tal-Ombudsman ma sabx li kienx hemm amministrazzjoni ħażina mill-awtoritajiet konċernati fl-iżvilupp ta’ Triq Louis Wettinger f’Ta’ Masrija, magħrufa bħala l-bypass tal-Mellieħa. Dan joħroġ mir-rapport tal-investigazzjoni…

Aktar