Qorti
Inqabdet bil-kameras tisraq il-flus mill-ħanut li kienet taħdem fih

Franċiża ta’ 37 sena li toqgħod San Pawl il-Baħar ammettiet li serqet mat-€ 800 minn stabbiliment fl-ajruport fejn kienet taħdem u mingħand kollegi fuq il-post tax-xogħol.

L-Ispettur Silvio Magro qal li l-mara, Silberberg Helene, tidher tisraq f’filmati minn kameras tas-sigurtà.

L-avukat tal-għajnuna legali, Noel Bartolo, qal li l-mara kien ilha xahar taħdem mal-kumpanija u ma tħallsitx. Żied li ħasbet li setgħet taqbad u tieħu l-flus sabiex titħallas tax-xogħol tagħha. Id-difiża talbet għal sentenza sospiża u qalet li l-imputata diġà ħallset lura parti mill-ammont.

Il-Maġistrat Gabriella Vella sabet lil Helene ħatja tal-akkuża miġjuba kontriha u kkundannatha għal tmien xhur ħabs sospiżi għal sena. Hija trid ukoll tħallas €100 kull xahar sa sitt xhur oħra.

Aħbarijiet Oħra
Lokali

Il-Prim Ministru Joseph Muscat indirizza l-forum dinji fejn ħabbar li għaxar operaturi tal-kannabis mediċinali kienu approvati mill-Malta Enterprise u anke se japplikaw mal-Awtorità tal-Mediċini biex jingħataw liċenzja. Dr Muscat qal…

Lokali

Riesqa lejn l-aħħar il-Presidenza ta’ Marie-Louise Coleiro Preca, bil-President Marie Louise Coliero Preca tiddeskrivi l-poplu Malti bħala wieħed ġeneruż li jaf jogħla ‘l fuq mill-argumenti u jingħaqad flimkien biex jesprimi…

Lokali

Il-Kunsill tal-Maltin li Jgħixu Barra minn Malta beda jiltaqa’ f’Malta u qed jiddiskuti proposti biex isaħħaħ il-vuċi tal-Maltin imferxa f’diversi komunitajiet madwar id-dinja. Fil-ftuħ tal-laqgħa, il-Ministru Carmelo Abela qal li…

Aktar