Edukazzjoni
Inqas minn terz ġabu biżżejjed marki biex jidħlu l-università – iżjed mill-2018

Illum kien jum ta’ ċelebrazzjoni għal bosta studenti u ta’ diżappunt għal oħrajn, wara li ħarġu r-riżultati tal-eżamijiet tal-O u l-A Levels.

Madwar 1,750 (1,742) student tas-sekondarja għaddew mill-eżamijiet tas-SEC u jistgħu jissuktaw bl-istudji tagħhom f’xi istituzzjoni post-sekondarja. Il-Bord tal-MATSEC qal li dan l-ammont huwa ta’ 135 student iktar meta mqabbel mas-sena l-oħra.

Madwar 3,860 student (3,857) għamlu l-eżamijiet fil-livell avvanzat u intermedju. Minnhom, aktar minn 1,200 student (1,207) ġabu l-marki biex jistgħu jkomplu bl-istudji tagħhom fl-Università. Dan huwa iktar mill-ammont tal-2018

Għas-sitt sena konsekuttiva, il-Ministeru għall-Edukazzjoni se jerġa’ joffri klassijiet ta’ reviżjoni bla ħlas għall-istudenti li m’għaddewx mill-Ingliż, il-Matematika, il-Malti, il-Fiżika u l-Bijoloġija biex jagħmlu l-eżamijiet riparatorji f’Settembru bil-għan li jkunu jistgħu jkomplu bil-vjaġġ edukattiv tagħhom.

“Jersqu ‘l quddiem, japplikaw, biex f’Settembru li ġej ikunu f’pożizzjoni aħjar biex jagħmlu dawn l-eżamijiet,” qal il-Ministru Evarist Bartolo, waqt li awgura lill-istudenti.

Il-klassijiet ta’ reviżjoni, li huma mifruxa fuq 5 ġimgħat, se jibdew fl-24 ta’ Lulju sal-aħħar ta’ Awwissu u se jsiru f’diversi ċentri f’Malta u Għawdex. L-istudenti jistgħu japplikaw hawn sa nhar l-Erbgħa li ġej.

Ara wkoll:

Klassijiet ta’ reviżjoni għall-istudenti bi preparament għar-‘resits’ tas-SEC u O Level

Aħbarijiet Oħra
Ambjent

Riċerkatur Malti sab l-ismijiet ta’ kważi elf wied f’Malta, Għawdex u Kemmuna. Jispjega li fost affarijiet oħra, l-ismijiet tal-widien f’Malta huma klassifikati fi tlieta; dawk ġejjin minn ismijiet tan-nies, ta’…

Stejjer Umani

Velimir Dulo mis-Serbja, ilu Malta aktar minn sentejn jaħdem bħala technician. Fis-Sajf li għadda ingħaqdu miegħu martu u ż-żewġ uliedu, fosthom Nevena Dulo ta’ 11-il sena li anke bdiet tattendi…

Protezzjoni Ċivili

Id-Dipartiment tal-Protezzjoni Ċivili ffirma ftehim ta’ koperazzjoni mas-Singapore Civil Defence Force. B’dan il-ftehim l-forzi tal-protezzjoni ċivili ta’ Singapore se jipprovdu espert tagħhom b’xejn lid-dipartiment tal-protezzjoni ċivili, fosthom għat-tfassil ta’ pjan…

Lokali

Il-kuntistabbli Ryan Paul Tonna, li miet ħabta u sabta meta faga fl-ikel wara maratona fl-Italja, qal li beda l-atletika minħabba f’ibnu biex ikun ta’ eżempju tajjeb għalih. F’messaġġ fuq il-paġna…

Aktar