Stejjer Umani
“Int l-eroj tagħna… Inħobbok sa l-aħħar nifs ta’ ħajti” – bint Simon Schembri

Għas-Surġent Simon Schembri l-15 ta’ Mejju se tibqa’ mnaqqxa f’moħħu għax kienet il-ġurnata meta kien involut f’inċident tat-traffiku, kien f’xifer il-mewt, u reġa’ twieled mill-ġdid.

Anke għall-familja tas-Surġent Schembri, din il-ġurnata se tibqa’ f’moħħhom għal dejjem.  Bint is-Surġent, Leah kitbet fuq il-media soċjali kif qatt ma basret li se tarah f’qagħda kritika bħalma ratu sena ilu.

Irrakkontat kif ma kinitx taf hux se jsalva u bkiet, weġġat u irrabjat, iżda qalet li baqgħet ma’ missierha u se tibqa’ miegħu sal-aħħar nifs ta’ ħajtu.  Żiedet tgħid li qatt ma qatgħet qalbha għax kienet taf li missierha ħa jerġa’ jqum fuq saqajh.

Leah kitbet li mhux talli ngħata Ġieħ ir-Repubblika, talli waqqaf fondazzjoni biex ikompli jgħin lill-oħrajn.  Fi tmiem il-messaġġ li kitbet Leah qalet lil missierha “Int l-EROJ tagħna u ispirazzjoni għal ħafna!! Inħobbok sa l-aħħar nifs ta’ ħajti ❤️ xxxxx”.

F’post fuq il-media soċjali, il-Blue Light Foundation qalet li llum qed tiċċelebra l-istorja inkredibbli tas-Surġent Schembri meta kien għaddej b’xogħlu u f’ħin minnhom ittajjar minn karozza, tkaxkar għal diversi metri, bix-xufier taħt l-età baqa’ sejjer minn fuq il-post f’Ħal Luqa fejn seħħ l-inċident.

Minn dakinhar, is-Surġent Schembri iħossu twieled mill-ġdid tant li għadda messaġġ li qatt ħadd m’għandu jaqta’ qalbu.

Aħbarijiet Oħra
Edukazzjoni

Il-Union tal-Edukaturi Professjonisti, UPE qalet li l-Kunsill tal-Għalliema, iddeċieda li mis-sena skolastika li ġejja, l-għalliema kollha li se japplikaw għall-warrant ser ikollhom jippreżentaw il-fedina penali tagħhom maħruġa fl-aħħar xahar, flok iċ-ċertifikat…

Lokali

It-tifkira ta’ Lassana Cisse Souleymane, li kienet tpoġġiet fil-post fejn inqatel ġiet ivvandalizzata. Huwa kien inqatel kiesaħ u biered fit-triq li tagħti bejn Ħal Far u Birżebbuġa nhar is-6 t’April. B’rabta…

Lokali

Heritage Malta, flimkien mas-Sovritendenza tal-Patrimonju Kulturali Malti u l-Università ta’ Macquarie, f’Sydney l-Awstralja, qed iħabbru l-bidu ta’ proġett internazzjonali u interdixxiplinarju li jinvolvi l-istudju tal-kranji umani li nstabu ġewwa l-Ipoġew…

Aktar