Ambjent
Investiment ta’ €1 miljun biex jitħawlu aktar minn 6,700 siġra sal-aħħar tal-2019

B’investiment ta’ miljun ewro l-Ministeru tal-Infrastruttura ser iwettaq proġett għat-tħawwil u l-kultivazzjoni ta’ 6,700 siġra f’44 lokalità. Wieħed mil-lokalitajiet magħżula hija l-Forti Rinella fejn diġà tħawlu bosta sigar. Il-Ministru tal-Infrastruttura Ian Borg qal li bħala parti minn dan il-proġett ta’ afforestazzjoni li ser ipatti għas-siġar li qed jinqalu fuq proġetti infrastruttali diġà tħawlu aktar minn elfejn siħra u l-kumplament ser jitħawlu sal-aħħar tas-sena.

Fix-xhur li ġejjin il-Forti Rinella ser tingħata dehra ġdida li tikkumplimenta l-istorja li għaddiet minnha din il-binja storika. Fl-għelieqi tal-madwar qed jitħawlu għexieren ta’ siġar bl-għajnuna finanzjarja li qed tagħti Infrastructure Malta minn fond ta’ miljun ewro għal tħawwil tas-siġar.

Mario Farrugia qal “illum qegħdin nikkreaw abitat li jmur għal żoni kostali. L-idea hija li l-esperjenza li żżur il-Forti Rinella ma tkunx waħda limitata għall-istorja tal-post iżda tkun waħda estiża wkoll għall-element naturali li wieħed isib f’dawn iċ-ċirkustanzi”.

Sal-aħħar tas-sena Infrastructure Malta permezz ta’ dan il-proġett ser tħawwel 6,700 siġra f’44 lokalità. Il-proġett huwa ppjanat li mhux biss jitħawlu s-siġar iżda li dawn jiġu kultivati b’sistema ta’ tisqija u b’nies li jieħdu ħsiebhom.

Il-Ministru tal-Infrastruttura Ian Borg qal li l-proġetti kapitali li qed isiru huma meħtieġa għall-pajjiż u l-ippjanar tagħhom qed isir biex tingħata spinta ambjentali għax dan ukoll huwa meħtieġ għas-saħħa umana. Dr Borg qal li għalkemm se jitneħħew 800 siġra f’dawn il-proġetti tat-toroq innota li l-ħafna minnhom ma kinux indiġeni.

Il-Ministru Borg qal “diġà fis-skiet tħawlu 2,200 siġra fl-aħħar ġimgħat biss. Is-siġar jekk tieħu ħsiebhom bħal mhu qed tagħmel Infractructure Malta bit-tisqija u tara li tħawwel liema siġra indiġena li jkun jixraq lil dak il-post. Jiena konvint li l-poplu qed japprezza dan il-bilanċ li qed jintlaħaq. Ovvjament inkomplu naħdmu mhux biss nindirizzaw l-isfida tat traffiku imma indirettament inkunu qegħdin nindirizzaw sfida akbar dik tal-emmissjonijiet”

Il-Ministru Borg spjega li l-proġett ta’ tħawwil tas-siġar diġà beda fi 13-il lokalità u qed jitħawlu siġar indiġini fosthom il-ħarruba, il-lewża, iż-żebbuġa u z-znuber.

Aħbarijiet Oħra
COVID-19

Anazjan ta’ 97 sena huwa s-seba’ vittma tal-Coronavirus f’Malta. Fi stqarrija mill-Ministeru għas-Saħħa, intqal li l-anzjan kien qed jingħata kura fl-Isptar Karin Grech u kellu sintomi relatati mal-Covid-19 fis-16 ta’…

Ambjent

Fi stħarriġ li sar fuq is-sit www.spazjimiftuha.org ħareġ li aktar minn 95% ddikjaraw li ma jaqblux jew ma jaqblux b’mod qawwi mar-restrizzjoni għall-aċċess fuq l-artijiet ikkontestati tal-Miżieb u l-Aħrax. Fi stqarrija,…

Immigrazzjoni

Il-Ministru għall-Affarijiet Barranin, Evarist Bartolo qal li Malta qed tissospendi s-sehem tagħha fil-missjoni IRINI, li ma tħallix aktar armi u tagħmir militari jidħol fil-Libja. Il-Ministru qal li Malta mhux se…

Lokali

Il-Bank of Valletta ħabbar li minn nhar it-Tnejn 1 ta’ Ġunju 2020 se jkun qed iżid il-ħinijiet tal-ftuħ tal-fergħat tiegħu għal skeda kważi normali. Minn nhar it-Tnejn, il-Fergħat tal-BOV se…

Aktar