Lokali
Investiment ta’ €530,000 f’vetturi u inġenji agrikoli ġodda

Dipartimenti u direttorati li jagħmlu parti mis-Segretarjat Parlamentari għall-Biedja, is-Sajd u d-Drittijiet tal-Annimali għandhom flotta ta’ vetturi u inġenji agrikoli ġodda wara investiment ta’ €530,000.

Il-flotta tinkludi trakkijiet, vannijiet, gafef, tractors u karozzi li jaħdmu bl-elettriku għal għaxar dipartimenti u direttorati fis-Segretarjat Parlamentari għall-Biedja, Sajd u Drittijiet tal-Annimali.

Is-Segretarju Parlamentari Roderick Galdes qal li kien hemm nuqqas ta’ makkinarju u tagħmir, bix-xiri ta’ 27 vettura għall-ġarr, inġenji għar-raba’ u vetturi għall-ispezzjonijiet se jgħinu biex il-ħaddiema jkollhom l-għodda biex jaħdmu. Semma bħala eżempju li l-aħħar li nġieb tagħmir ġdid fir-razzett tal-gvern fl-għammieri kien fis-snin sebgħin. Qal li minbarra li dan il-makkinarju qdiem u spiċċa, it-teknoloġija nbidlet u kien jeħtieġ tagħmir ġdid.

Id-Direttur Ġenerali għall-iżvilupp Rurali, Mario Spiteri, spjega li l-vetturi huma diversi, ħafna minnhom speċjalizzati u attrezzati b’tagħmir speċjali fil-kabina, biex min ikun qed joperahom, ikun protett.

“Hemm vetturi li jistgħu jintużaw biex jiġu ttrimjati s-siġar, b’dawk li jgħidulhom cherry pickers, attrezzati mhux biex isir xogħol biss, imma għandhom l-aspett tas-sigurtà għal min ikun qed joperahom.”

Dr Spiteri spjega li dawn se jkunu qed jintużaw għal ħidma fil-Buskett, fid-diversi parks, uħud anki biex jintużaw mid-dipartiment tas-sajd fost dipartiment oħrajn.

Aħbarijiet Oħra
Lokali

Persuni li l-ġimgħa li għaddiet żaru ċ-ċimiterju tal-Addolorata f’Raħal Ġdid stqarrew ma’ tvm.com.mt li baqgħu ddiżgustati bl-iskart goff mormi barra dan iċ-ċimiterju. L-iskart intlemaħ barra l-ħitan taċ-ċimiterju, mid-daħla ta’ Triq…

Lokali

Fl-intervent tiegħu llum fil-Parlament, il-Kap tal-Oppożizzjoni Adrian Delia kkritika s-sitwazzjoni fil-Korp tal-Pulizija li qal ġie żarmat mir-riżorsi bit-tluq ta’ diversi uffiċjali għolja u fl-istess waqt qal li daħlu 27 pulizija…

Lokali

Il-Prim Ministru Joseph Muscat tkellem dwar il-pjan tal-Gvern għall-Airmalta meta kien qed jindirizza l-Parlament.  Huwa appella għal ftehim mal-unions għax wissa li l-pjani tal-Gvern għat-tkabbir tal-Air Malta ma jkunx sostennibli…

Lokali

Fil-jiem li għaddew bosta kkummentaw fuq il-media soċjali dwar l-inkonvenjent li ħoloq vann meta kien qed jimblokka l-bankina fi Triq it-Torri tas-Sliema. Jirriżulta li l-vann tħalla pparkjat mill-iktar żoni ffrekwentati…

Aktar