Lokali
Iqassmu kalzetti kkuluriti fil-Parlament

Tfal u żgħażagħ imiseħba fl-assoċjazzjoni għad-down syndrome qassmu kalzetti kkuluriti lill-Ispeaker Anġlu Farrugia u lid-Deputati Parlamentari biex ifakkru l-Jum Dinji tad-Down Syndrome li jitfakkar għada. Il-kampanja ta’ din is-sena qed timmira li kulħadd jilbes kalzetti differenti f’kull sieq biex tippromwovi l-messaġġ ta’ diversità u ugwaljanza.

B’kalzetti kkuluriti u mfarrdin f’idejhom, tfal u żgħażagħ bid-down syndrome marru fil-bini tal-Parlament biex iwasslu l-messaġġ tal-kampanja All Socks Campaign.

Milqugħa mill-ispeaker Anġlu Farrugia, il-membri tal-assoċjazzjoni flimkien mal-ġenituri tagħhom qassmu kalzetti kkuluriti b’tifsira li d-dinja hija sabiħa għax fiha kuluri diversi li bħal persuni kollha huma importanti. It-tfal u żgħażagħ bil-kundizzjoni down syndrome tkellmu fuq il-ħiliet tagħhom u dak li jħobbu jagħmlu.

Il-President tal-Assoċjazzjoni, Joanne Xerri ħeġeġt biex f’din l-okkażjoni jintlibsu kalzetti differenti f’kull sieq biex titqajjem kuxjenza fuq il-kundizzjoni down syndrome.

Joanne Xerri qalet ” dawn huma nies bħalna, u jilħqu bħal kull wieħed u waħda minnha bit-temp tagħhom”.

L-Ispeaker Farrugia qal li huwa dover tas-soċjetà li ħadd ma jaqa’ lura u ħadd m’għandu jkun diskriminat.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar