Lokali
Iqattgħu sigħat sħaħ jaħdmu bis-suf biex iferrħu nies morda

Għaqda magħmula minn nisa Maltin u Ingliżi, iqattgħu sigħat jaħdmu kutri u dekorazzjonijiet bis-suf li bihom iferrħu nies morda fl-isptarijiet u dawk fil-bżonn. L-għaqda Craft and Coffee for Charity jiġbru ammonti kbar ta’ suf li bih issa se jkunu wkoll jagħmlu prosteżi bis-suf biex jgħinu nisa li kawża tal-kanċer jkunu tilfu sidirhom.

Minflok ma jiltaqgħu biss biex jieħdu kafè u jgħaddu siegħa żmien, grupp ta’ nisa fformaw għaqda li waqt li jieħdu kafè, jaħdmu għal sigħat sħaħ affarijiet bis-suf li bihom jgħinu u jferrħu lin-nies.

Becky Pace Bajona mill-għaqda Crafts & Coffee for Charity qalet li kienet ilha snin taħseb kif se toħloq xi ħaġa li biha tagħmel il-ġid fil-komunità. Qalet li għaqqdet grupp ta’ nisa Maltin u Ingliżi li jiltaqgħu kull ħmistax u jaħdmu kutri kbar tas-suf għal nies li m’għandhomx dar fejn joqogħdu, skufji u xalel għall-foqra, u affarijiet dekoratitvi li bihom iferrħu lill-pazjenti fl-isptarijiet.

Qed jaħdmu wkoll prosteżi tas-sider bis-suf biex jgħinu lin-nisa li jkunu mardu bil-kanċer.

Becky Pace Bajona qalet li “il-fatt li niġbru ftit nisa flimkien u jaħdmu suf lil dawk fil-bżonn, intuhom il-ferħ li xi ħadd li ma jafux qed jagħmel xi ħaġa għalihom”.

L-għaqda ma kellhiex fejn taħdem is-suf u Sarah Cachia mill-kafeterija Jacob’s Brew, tathom spazju fejn jaħdmu u jiġbru ammonti kbar ta’ suf. Bejn kelma u oħra, u b’idejn qishom magna, in-nisa qalulna li jħossu ferħ kbir jagħmlu dan ix-xogħol volontarju.

L-għaqda qalet li jkollha bżonn ammonti kbar ta’ suf u għaldaqstant jilqgħu għotja ta’ suf ta’ kull kulur biex ix-xogħol tagħhom ikun jista’ jibqa’ għaddej.

Aħbarijiet Oħra
Lokali

Id-dislessja – kundizzjoni li tfixkel lill-persuna biex titgħallem taqra minhabba li ma tagħrafx uħud mill-ittri u simboli, hi meqjusa bħala ostaklu fil-proċess edukattiv, għalkemm illum hemm mezz ta’ għajnuna biex…

Annimali

Liġi ġdida qed toffri aktar setgħa fil-ħarsien tal-annimali, partikolarment il-klieb li kienu jinżammu marbutin il-ħin kollu b’katina, billi dan il-kunċett issa hu projbit. Madanakollu, id-Direttur għall-Ħarsien tal-Annimali saħaq li l-klieb…

Statistika

Illum huwa l-Jum Ewropew tal-Istatistika, li qed jiġi ċċelebrat għat-tielet darba. Dan il-jum joħroġ aktar fid-deher il-valur tal-istatistika uffiċjali, li f’Malta tinġabar mill-Uffiċċju Nazzjonali tal-Istatistika. Tliet snin bogħod mill-akbar eżerċizzju…

Infrastruttura

Simpożju organizzat minn Wirt Iż-Żejtun iffoka fuq l-iżvilupp matul iż-żminijiet tar-raħal Malti, fost l-oħrajn bis-sehem ta’ professur Ingliż, li rriċerka dwar l-irħula Maltin. Fis-simpozju, il-Ministru għall-Kultura Owen Bonnici ħabbar li…

Aktar