Barranin
Ir-Ryanair twaqqaf l-operat ta’ 3 ajruplani Boeing 737

Minn tal-anqas 3 ajruplani tar-Ryanair instabulhom difett bejn il-ġewnaħ u l-bqija tal-ajruplan.

Dan ħabbru l-ġurnal The Guardian hekk kif ir-Ryanair waqaf l-operat ta’ 3 ajruplani tat-tip Boeing 737.

Minn Ottubru li għadda, minn madwar id-dinja kollha, mal-50 ajruplan tat-tip Boeing 737, twaqqfu milli joperaw minħabba dan id-difett fejn jifforma qsim bejn il-ġwienaħ u l-bqija tal-ajruplan.

Il-kumpanija tal-ajru Ryanair għandha l-akbar flotta ta’ ajruplanti tat-tip Boeing 737 fl-Ewropa u qatt ma tat dettalji kemm ajruplani mill-flotta tagħha ġew affettwati minn dan id-difett.

Skont l-esperti, dan il-qsim li qed jifforma mhux perikoluż la darba jsiru l-ispezzjonijiet kollha kif meħtieġ.

L-ajruplani li twaqqfu mill-operat tagħhom għandhom in-numru tar-reġistrazzjoni EI-DCL, EI-DAL u EI-DCJ u dawn għandhom ‘il fuq minn 15-il sena.