Lokali
Irid idaħħal lil Malta fl-industrija tal-ħolqien ta’ lbiesi esklussivi

It-Taljani jsibuha bħala l-‘Alta Moda’ waqt li l-Franċiżi jsibuha bħala ‘haute couture’. Fi kliem ieħor hija l-ħolqien ta’ lbiesi esklussivi u elaborati li jsiru kollha bl-idejn u b’ħila kbira għall-prezz li ma jiflaħx għalih kulħadd. Sa issa Malta mhux assoċjata ma’ din l-industrija esklussiva iżda n-neputi ta’ wieħed mill-aktar stilisti leġġendarji jrid idaħħal lil Malta fil-mappa tal-istilisti u l-mudelli ta’ fama dinjija li tinkludi bliet bħal Pariġi, Milan, Londra u New York fost l-oħrajn.

Żewġ ex mudelli, Oscar Garavagni, in-neputi tal-istilista Taljan ‘Valentino’ u Mario Muscat għaddejjin bi tħejjijiet biex f’Marzu u Lulju li ġej iġibu f’Malta uħud mill-aqwa stilisti tal-moda fid-dinja biex jesebixxu l-kollezzjonijiet esklussivi tagħhom.

Is-Sur Garavagni qal li minkejja l-kalendarju impenjattiv ta’ dawn l-istilisti u l-mudelli ta’ fama li jaħdmu magħhom, l-interess f’Malta diġà huwa tajjeb ħafna. “Il-kumpaniji li kkonfermaw huma ħafna, 50 stilist kemm Taljani kif ukoll Franċiżi u se jkunu parti mill-Alta Moda”.

Fi kliem l-organizzaturi, l-Alta Moda f’Malta se tkun opportunità biex jiżdied it-turiżmu ta’ kwalità tant li għamlu kollaborazzjoni ma’ Heritage Malta biex l-isfilati jsiru f’uħud jew qrib dawn is-siti li juru l-ġmiel naturali tal-gżejjer Maltin.

Fl-istess waqt, is-Sur Muscat qal li se tkun opportunità rari għal dawk kollha interessati fil-moda. “Ħa tkun opportunità għall-istilisti Maltin kif ukoll għall-mudelli biex ikunu jistgħu dik l-opportunità mal-istilisti ta’ fama mondjali”

Għalkemm ħafna mill-ilbiesi esebiti mhux se jkunu għal but ta’ kulħadd, din l-inizjattiva mistennija tkun okkażjoni biex stilisti u mudelli magħrufa li possibilment nammiraw mill-media, narawhom mill-qrib fil-gżejjer Maltin.

Aħbarijiet Oħra
Lokali

Il-Festival Nazzjonali tal-Ktieb organizzat mill-kunsill nazzjonali tal-ktieb se jsir online l-11 u l-15 ta’ Novembru minflok ma jsejjaħ in-nies f’dar il-Mediterran il-Belt Valletta. Dan minħabba s-sitwazzjoni tal-Covid-19 u l-pariri tal-Awtoritajiet…

Lokali

Melvin Theuma,  l-intermedjarju fil-qtil ta’ Daphne Caruana Galizia ġie rilaxxat mill-Isptar Mater Dei. Ġimagħtejn ilu huwa ddaħħal l-isptar wara li kien instab f’għadira f’demm b’feriti f’għonqu u fil-kustilji. Dan wara li…

Edukazzjoni

Bil-pjan tal-Gvern hu li f’Settembru jiftħu l-iskejjel, il-Ministru għall-Edukazzjoni Owen Bonnnici qal li għaddejjin taħdidiet biex it-tagħlim tat-tfal isir mis-sena skolastika li jmiss bil-miżuri meħtieġa kontra l-imxija tal-Covid. Dr Bonnici tkellem…

Saħħa

L-operazzjonijiet se jerġgħu jibdew min-nhar it-Tnejn li ġej iżda d-direttivi tal-Outpatients se jibqgħu fis-seħħ. Dan intqal mill-MAM fi stqarrija uffiċjali wara l-aġġornament tal-aħbarijiet li ta d-Deputat Mexxej, Dr Chris Fearne…

Aktar