Tfal
Iridu li s-swat fuq it-tfal bħala kastig isir illegali

Fir-Renju Unit, psikologi qed jitolbu biex ikun projbit is-swat fuq it-tfal fid-djar u jsir illegali għax jagħmel ħsara lis-saħħa mentali tat-tfal.

L-Assoċjazzjoni tal-Psikologi fil-Qasam Edukattiv (AEP) qed tħeġġeġ lill-gvern biex jiddikjara li l-kastig fiżiku għandu impatti negattivi fuq l-iżvilupp tat-tfal.

Fir-Renju Unit id-dixxiplina bis-swat fuq it-tfal hija illegali fl-iskejjel madankollu l-ġenituri jistgħu jerfgħu jdejhom fuq uliedhom fid-dar bħala kastig. Għaldaqstant l-Assoċjazzjoni qed tisħaq li s-swat fuq it-tfal għandu jkun illegali dejjem.

Il-psikologi qed jitolbu lill-Gvern Ingliż jagħraf li l-kastig fiżiku jista’ jkollu effetti negattivi fit-tul fuq l-iżvilupp tat-tfal u huwa ineffettiv.

Fl-Iżvezja, l-Irlanda, Spanja, il-Ġermanja u l-Portugall huwa pprojbit li terfa’ jdejk fuq it-tfal bl-iskuża ta’ dixxiplina.

Aħbarijiet Oħra
Barranin

Fl-Ukrajna, il-Partit tal-President Volodymyr Zelensky mistenni jirbaħ elezzjoni bikrija u jsaħħaħ il-qawwa politika tiegħu. L-exit polls qed juru li l-partit tiegħu se jikseb maġġoranza parlamentari iżda se jkollu bżonn ta’…

Barranin

Ixxandar recording ta’ konverżazzjoni bejn frejgata tar-Royal Navy Ingliża u bastimenti tal-forzi armati Iranjani, mumenti qabel it-tanker taż-żejt Ingliż inħataf fil-Golf nhar il-Ġimgħa. Fir-recording, bastiment Iranjan jgħid lil HMS Montrose…

Aktar