Kurżitajiet
Irriskja li jmut biex ipejjep sigarett barra l-isptar

Raġel li kien liebes il-qalziet ta’ taħt u kellu sikkina f’dahru ħareġ mid-Dipartiment tal-Emerġenza fi sptar fir-Russja f’temperatura ta’ 10 taħt iż-żero biex ipejjep sigarett.

Il-pazjent li għandu 34 sena kien qed joħroġlu d-demm mill-ferita u daħal lura l-isptar wara li ġie mwissi li kien se jmut jekk jibqa’ barra.  Huwa ġie ffilmjat minn infermier li kien ixxukkjat meta lemħu miexi lura lejn il-kamra tiegħu fl-isptar.

Ir-raġel indarab waqt ġlieda li fiha kien hemm involuti xi nies xurbana.  Il-ħaddiema tal-ambulanza marru jagħtu l-ewwel għajnuna lir-raġel fuq il-post u kulma għamlu poġġewlu garża madwar il-ferita għax ma rriskjawx ineħħulu s-sikkina.

Wara dan l-episodju, fejn it-tobba u l-infermiera wissew lill-pazjent bir-riskju li kien qed ipoġġi lil ħajtu jekk joħroġ barra fil-kesħa għal sigarett, jirriżulta li sarlu intervent kirurġiku biex titneħħa s-sikkina minn dahru u qaleb għall-aħjar.

Twissija – dan il-filmat jista’ jkun grafiku u jdejqek inti u tarah.

 

Aħbarijiet Oħra
Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Barranin

Raġel fl-Istati Uniti ġie arrestat wara li mara rrapportat lill-Pulizija li kien għaddiha biż-żmien u ħadilha $80,000. L-arrestat huwa John Martin Hill ta’ 35 sena, bil-mara tgħid li kienet iltaqgħet…

Aktar