Kultura
Is-seħer tan-nar fuq il-bniedem iċċelebrat fil-kunċert Ħuġġieġa

B’fondi li ngħataw mill-kunsilli Malti għall-arti, is-soċjetà mużikali ta’ Ħaż-Żebbuġ 12th May se jtellgħu kunċert innovvativ b’xogħol ta’ kompożituri lokali u bis-sehem ta’ atturi lokali. It-tema ta’ dan il-kunċert bl-isem ta’ Ħuġġieġa se jkun in-nar, mhux biss in-nar tal-festi, iżda minħabba li l-festi nfushom iqajmu entużjażmu kbir fil-komunitajiet tal-pajjiż.

Waqt konferenza tal-aħbarijiet tħabbar il-kunċert innovattiv bis-sehem tal-mużiċisti tal-banda, Ħuġġieġa tal-Banda 12th May b’għajnuna ta’ fondi mill-Kunsill Malti għall-Arti.

Il-President tal-banda 12th May ta’ Ħaż Żebbuġ, in-Nutar Mariella Mizzi qalet li bħalissa bl-għajnuna ta’ Dr Tonio Portughese, is-soċjetà qed tipprepara għall-proġett Ħuġġieġa, kunċert li innovattiv li se jlaqqa’ diversi forom ta’ arti, fosthom il-mużika tal-bandisti, l-arti viżwali, u anki l-arti tad-drama bis-sehem ta’ atturi. Qalet li għall-kunċert se jiġi ppreżentat xogħol ġdid mill-kompożituri Alex Vella Gregory, Véronique Vella, Albert Garzia u Euchar Gravina li ħolqu mużika kontemporanja.

Is-Surmast Hermann Farrugia Frantz spjega lil TVM l-ispirtu li se jwassal dan il-kunċert.

“Is-suġġett huwa ispirat min-nar, in-nar fis-sens sħiħ, nar ta’ mħabba, gwerer, ħeġġa u tama u n-nar li nilagħbu bih fil-piroteknika”

Il-Ministru għall-Ġustizzja u Kultura Owen Bonnici qal li dan il-kunċert huwa importanti għaliex qed iwassal iktar il-messaġġ tal-bżonn li l-arti tasal għand in-nies, anki b’dawn il-modi innovattivi fejn il-mużika tal-banda se tingħaqad ma’ forom oħra artistiċi biex twassal l-imħabba għall-arti. Huwa ħeġġeġ lill-għaqdiet mużikali oħra biex jersqu għand il-Kunsill Malti għall-Arti biex iressqu proġetti li bihom ikattru iktar l-imħabba sabiħa għall-arti.”

Il-kunċert Ħuġġieġa se jittella’ nhar is-Sibt 16 ta’ Novembru fis-Sala Sir Temi Zammit fl-Università ta’ Malta.

Aħbarijiet Oħra
COVID-19

Il-mediċina u l-ikel huma fost l-aktar prodotti essenzjali li mingħajrhom Malta ma tgħaddix fi żmien ta’ pandemija. Tliet xufiera Maltin li jaħdmu ma’ kumpanija lokali tal-loġistika rifsu Malta għall-ewwel darba…

Lokali

Fil-fehma tad-Dekan tal-Fakultà għat-Tisħiħ tas-Soċjetà, il-Professur Andrew Azzopardi, il-ġlieda kontra d-droga u l-kultura tal-flus huma kruċjali biex iż-żgħażagħ ma jaqbdux it-triq tal-kriminalità li studju juru li jekk jidħlu fiha minn…

Kronaka

Il-pulizija qed tfittex raġel li wara nofsinhar daħal jisraq minn dar ta’ anzjana f’San Ġiljan. Il-pulizija qalet li ġiet informata bis-serqa minn residenza fi Triq Ċensu Tabone li tinsab fiż-żona…

Infrastruttura

Dik li kienet il-Biċċerija l-Antika lejn in-naħa t’isfel tal-Belt, mix-xahar id-dieħel se tkun il-Valletta Design Cluster – proġett li ser ikun wirt ieħor li jibqa’ minn fost kullana ta’ inizjattivi…

Aktar