Barranin
Is-Senat Amerikan japprova liġi biex kumpaniji Ċiniżi ma jbigħux l-ishma tagħhom fuq il-boroż Amerikani

Is-senat Amerikan għadda liġi li biha jista’ jwaqqaf lil xi kumpaniji Ċiniżi milli jbigħu l-ishma tagħhom fuq il-boroż Amerikani.

Dan hekk kif kumpaniji barranin iridu jgħaddu minn awditjar u li jobdu regolamenti finanzjarji. Din il-miżura wara li għaddiet mis-senat trid tgħaddi mill-kamra tar-rappreżentanti Amerikani qabel ma tiġi ffirmata bħala liġi mill-President Amerikan Donald Trump.

Dan kollu jagħti prova oħra tat-tensjoni li hemm bejn l-Istati Uniti u ċ-Ċina wara li Donald Trump qed jakkuża liċ-Ċina li kienet qed tikkontrolla lill-Għaqda Dinjija tas-Saħħa u akkużaha wkoll li qed tigdeb fuq il-figuri.

Il-liġi l-ġdida mistennija wkoll tikxef jekk il-kumpaniji fuq il-boroz Amerikani humiex ta’ sidien barranin jew inkella wkoll jekk humiex ikkontrollati minn gvernijiet barranin.