Lokali
Is-servizzi finanzjarji jaraw tkabbir fl-assikurazzjonijiet u fl-iskemi tal-irtirar

Fil-konferenza annwali tas-settur finanzjarju, iċ-chairman ta’ Finance Malta, Kenneth Farrugia qal li l-oqsma varji fis-settur tas-servizzi finanzjarji f’Malta kellhom tkabbir ta’ bejn il-ħamsa u s-sbatax fil-mija b’żieda fost oħrajn fis-servizzi tal-investiment, fl-assikurazzjoni u fl-iskemi ta’ rtirar.

Bit-tema “finanzi mingħajr fruntieri”, il-konferenza annwali ta’ Finance Malta laqgħet mal-500 operatur fis-servizzi finanzjarji. Il-konferenza ffukat l-iżjed fuq l-iżviluppi u teknoloġiji ġodda li deħlin fis-settur.

Iċ-Chairman ta’ Finance Malta, Kenneth Farrugia ddeskriva din bħala rivoluzzjoni tat-teknoloġija. Semma’ l-blockchain u muniti u assi virtwali bħalma huma bitcoins u tokens. Is-Sur Farrugia qal li l-industrija ġdida tad-‘Distributed Ledger Technology’ – DLT – se tkun pilastru ieħor tas-settur finanzjarju.

Iċ-Chairman ta’ FinanceMalta, Kenneth Farrugia qal “matul dawn it-tliet xhur li ġejjin, l-Awtorità għas-Servizzi Finanzjarji Maltija beħsiebha toħroġ ir-regoli li se jirregolaw dan is-settur partikolari. Huwa settur li attira ħafna operaturi minn madwar id-dinja biss biss illum għandna f’din il-konferenza delegati minn 21 pajjiż jiġifieri mill-Kanada, mill-Amerika, mill-Ewropa, mill-Pakistan, mill-Indja, mis-South Afrika, li għandhom interess kemm f’das-settur kif ukoll fis-setturi l-oħrajn tas-settur finanzjarju Malti.”

Is-Sur Farrugia qal li l-industrija tas-servizz finanzjarji kellha tkabbir sostnut.

F’messaġġ irrekordjat, il-Prim Ministru Joseph Muscat irrimarka li s-settur finanzjarju qed jimxi b’pass aktar mgħaġġel mill-qafas regolatorju u għalhekk qal li jeħtieġ li jiżdiedu l-isforzi biex Malta jibqa’ jkollha standards għoljin f’din l-industrija. Huwa qal li Malta kienet fost l-ewwel fid-dinja li fasslet qafas legali li jirregola teknoloġija DLT, li permezz tagħha, il-pajjiż attira l-ewwel kumpaniji fil-qasam tal-“blockchain”.

Aħbarijiet Oħra
Knisja Maltija

Riċerka ppubblikata fl-aħħar jiem tixħet dawl dwar l-ewwel attentati għas-separazzjoni tal-poteri bejn Stat u Knisja f’Malta. Kien Nicolo’ Muscat – figura prominenti fl-amministrazzjoni tal-Ordni tal-Kavallieri – li f’nofs is-seklu 18…

Lokali

Ġimgħa wara d-delitt ta’ omm żagħżugħa f’Raħal Ġdid li allegatament inqatlet mis-sieħeb tagħha, bosta għaqdiet speċjalment tan-nisa komplew jitkellmu b’diversi stqarrijiet dwar dan il-femiċidju u l-problema tal-vjolenza domestika. Mill-banda l-oħra…

Annimali

L-Assoċjazzjoni Exotic Finch Malta qed tagħti opportunità oħra lill-pubblika japprezza l-ġmiel ta’ 500 għasfur li minkejja li l-oriġini tagħhom hija barranija tfaqqsu f’Malta wara ħafna studju u esperementazzjoni. Il-wirja li…

Lokali

Il-Malta National Electromobility Platform fi ħdan Transport Malta qed tikkordina diversi inizjattivi u attivitajiet marbuta mal-Ġimgħa Ewropea Tal-Mobbiltà. It-tema għal din is-sena hija “Multimodality – Mix and Move”. Din it-tema…

Aktar