Teknoloġija
Is-sexting bejn it-tfal huwa problema reali f’Malta

It-tixrid ta’ ritratti indiċenti permezz tal-mobile u mezzi oħra tal-midja soċjali fost it-tfal, magħruf bhala sexting, ghalkemm huwa illegali, huwa fenomenu li jiġri fost it-tfal u adolexxenti. Dan ħareġ f’konferenza organizzata mill-Fondazzjoni Lisa Marie, li trattat l-użu u l-abbozz tat-teknoloġiji diġitali.

L-Aġenzija Appoġġ kull ġimgħa tirċievi rapport ġdid dwar tixrid ta’ materjal indeċenti ta’ minuri li jesponu lil xulxin b’ritratti indiċenti. Is-Sinjura Deborah Vassallo, mill-Aġenzija Appoġġ, spjegat li t-tixrid ta’ ritratti indeċenti fost il-minuri hija problema reali f’Malta.

“Aħna nsejħulu sexting. Meta jkollok ritratti li jiġu shared bil-‘mobile phones’ u tifel jew tifla jibgħat ritratti lil tifel ieħor ġeneralment, jiġifieri għandek ‘sharing’ ta’ bejn żewġ minuri, li qed jesponu lilhom infushom bl-‘underwear’ jew inkella mingħajr ħwejjeġ. Meta inti għandek ritratti bħala dawn li qed jiġu mxerrda, onlajn u jinħolqu onlajn, għandek xi ħaġa li qed isir illegali, għaliex għandna liġi li tipprevjeni milli dan l-abbuż isir jew jiġi shared.”

Waqt il-konferenza organizzata mill-Fondazzjoni Lisa Marie, diversi akkademiċi u professjonisti ddiskutew l-użu tat-teknoloġija fis-sistema edukattiva. Fost l-oħrajn ġiet diskussa l-possibiltà li l-intelliġenza artifiċjali tkun integrata fis-sistema edukattiva. Spikka l-intervent tas-Sur Leonard Busuttil, mill-Fakultà tal-Edukazzjoni fl-Università ta’ Malta li saħaq fuq il-bżonn li ma nostakolawx l-avvanz teknoloġiku. Il-Ministru tal-Edukazzjoni, Evarist Bartolo, qal li l-element uman qed jaffetwa ħażin l-użu tat-teknoloġija.

Fl-aħħar nett is-Sinjura Vassallo qalet li l-Aġenzija Appoġġ tagħmel l-almu tagħha biex bl-għajnuna tal-kumpaniji tal-midja soċjali tipprova twaqqaf it-tixrid ta’ dawn ir-ritratti li tkun taf bihom. Żiedet tgħid li huma importanti li minn ta’ età żgħira t-tfal ikunu mgħarrfin sew fl-użu responsabbli tat-teknoloġija.

“Importanti dejjem li nqajmu għarfien mat-tfal, li meta inti qed tibgħat xi ħaġa immaġinak fuq billboard u qed jarak kulħadd, se jarawni u jkunu jafu min jiena jista’ jkun li xi ħadd jaqbad miegħi fuqha u jista’ jkun li dan ir-ritratt jiġi saved u joħroġ snin wara.”

Hija appellat għall-vittmi ta’ dan l-abbuż sabiex jitkellmu, anke jekk kienu huma stess li bagħtu ritratti indeċenti tagħhom. Kompliet tgħid li vittmi ta’ dan l-abbuż jistgħu jagħmlu kuntatt ma’ Aġenzija Appoġġ fuq il-linja ta’ għajnuna 147 u anke b’mod anonimu onlajn.

Aħbarijiet Oħra
Kronaka

Mara ta’ 57 sena li toqgħod is-Swieqi weġġgħet gravi wara li ġiet milquta minn vettura fis-Swieqi. Il-Pulizija qalet lu l-inċidident fi Triq il-Ħemel seħħ għall-ħabta tal-4.30pm. Il-Pulizija tad-Distrett marru fuq…

Qorti

Kleaven Agius ta’ 24 minn Ħaż-Żabbar, li s-Sibt li għadda ġie arrestat waqt rejd tad-droga f’Birżebbuġa, wieġeb li mhux ħati li kien fil-pussess ta’ ammont konsiderevoli ta’ droga f’ċirkostanzi li…

Parlament

Il-Kamra tad-Deputati qed tiddiskuti fit-tieni qari abbozz ta’ liġi dwar iċ-ċittadinanza li qed twettaq riforma dwar l-iskemi ta’ residenza u l-għoti taċ-ċittadinanza Maltija. Is-Segretarju Parlamentari responsabbli miċ-ċittadinanza u l-komunitajiet Alex…

Politika

Il-President tar-Repubblika George Vella ħabbar li Adrian Delia għandu jibqa’ Kap tal-Oppożizzjoni ħalli dan ir-rwol ma jibqax vakanti. Dr Vella kkonkluda li anki jekk Dr Delia tilef l-appoġġ tal-akbar grupp…

Aktar