Press Briefings
Is-swabs mhux se jsiru mandatorji għall-popolazzjoni ġenerali

Id-Deputat Prim Ministru u Ministru għas-Saħħa Chris Fearne qal li mhux se jsiru swabs mandatorji fuq il-popolazzjoni ġenerali sakemm ma jkunx hemm testijiet li jagħtu riżultati f’ħin qasir u jkunu kits ta’ min joqgħod fuqhom.

Huwa u jwieġeb il-mistoqsijiet tal-ġurnalisti, Dr Fearne qal li swabs huwa importanti li jibqgħu jsiru, u l-awtoritajiet qed jistrieħu fuq il-koperazzjoni tal-pubbliku biex jersaq minn jeddu għat-test jekk iħoss is-sintomi.

Dr Fearne stqarr li jixtieq li l-pajjiż ikollu f’idejh rapid tests li jaħdmu iżda qal li dawk disponibbli fis-suq s’issa mhumiex ta’ min joqgħod fuqhom u jistgħu jagħtu riżultat negattiv, meta fil-verità jkun każ pożittiv.

Qal li tant huwa hekk li ċertu pajjiżi saħansitra abolixxew dawn it-testijiet, tant kemm mhumiex affidabbli.

Ara wkoll:

Għall-ewwel darba ma jinstab l-ebda każ ta’ Covid-19 f’Malta