Lokali
Isibuh għarwien ħuta qrib l-iskola tal-Baħrija

Turist Pollakk ta’ 20 sena ngħata l-libertà kundizzjonata wara li tressaq il-Qorti akkużat li offenda l-morali pubbliċi, li espona lilu nnifsu u li kien fis-sakra fil-pubbliku. Il-Pulizija sabet lil Alexander Philipp Kolacz għarwien qrib skola fil-Baħrija dalgħodu wara li għalliema fl-iskola rrapportatu lill-Pulizija. Ma kienx hemm tfal barra l-iskola fil-ħin tal-inċident.

L-ispettur Elliot Magro qal li l-ħwejjeġ tal-Pollakk instabu aktar ‘il fuq fit-triq u li waqt l-interrogazzjoni qal li xi ħadd waslu hemm u qallu li kien sejjer il-baħar.

L-akkużat talab apoloġija għal li għamel u stqarr li kien fis-sakra filwaqt li wiegħed li ma jerġax jagħmilha.

Huwa qal li għandu Malta sal-aħħar ta’ Ġunju u ammetta l-akkużi kontrih. Il-Qorti sabitu ħati tal-akkużi u lliberatu bil-kundizzjoni li ma jwettaqx reat ieħor f’xaharejn mil-lum.

Aħbarijiet Oħra
Kultura

Il-Maltapost u s-Soċjetà Maltija tal-Filatelija qed itellgħu l-fiera tal-kollezzjonisti tal-bolol magħrufa bħala Maltex. Il-fiera tat ukoll spazju lil kollezzjoni oħra biex juru d-damma ta’ oġġetti li qajla jiġu f’moħħok li…

Saħħa

Fil-gżejjer Maltin hawn mal-35,000 persuna li jingħataw kura minħabba problemi fit-taħdit fosthom 600 tifel u tifla. Dr Rita Micallef li tmexxi s-servizzi terapewtiċi fid-Dipartiment tas-Saħħa qalet lil TVM li fl-aħħar…

Kronaka

Raġel ta’ 49 sena mill-Mosta ttella’ mill-baħar mill-Forzi Armati wara li waqa’ għoli ta’ diversi metri minn fuq l-irdumijiet ta’ Ras id-Dawwara fl-akwati ta’ Għar id-Dwieb fl-Imtaħleb. TVM huwa infurmat…

Budget

Id-Deputat Prim Ministru u Ministru tas-Saħħa Chris Fearne qal li l-Budget għas-sena d-dieħla huwa mibni fuq tliet pilastri: il-ħolqien tal-ġid, inċentivi għal min jeħtieġ l-għajnuna biex jimxi ‘l quddiem u…

Aktar